මත්පැන් සාදයක් අවසානයේ ඇති වූ බහින් බස්වීමකින් අනතුරුව පුද්ගලයෙක් විසින් තම සහෝදරයාට පොල්ලකින් පහර දී ඝාතනය කළ පුවතක් සාලියවැව, පළුගස්සේගම ප්රදේශයෙන් වාර්තා වනවා.
ඊයේ (15) අලුයම් කාලයේ මෙම අපරාධය සිදුව ඇති අතර, මෙම සිද්ධියට සම්බන්ධ සැකකරු සහ ඊට සහාය දුන් ඥාතියෙක් සාලියවැව පොලීසිය විසින් අත්අඩංගුවට ගෙන ඇති බවයි වාර්තා වුණේ.
මෙලෙස ඝාතනය ලක්ව ඇත්තේ උදිත රාජපක්ෂ නැමති වයස අවුරුදු 35ක තිදරු පියෙක්.
ඝාතනය සම්බන්ධ සැකකරුවන් දෙදෙනා සහ ඝාතනයට ලක් වූ පුද්ගලයා මත්පැන් පානය කිරීමෙන් පසු දුරකථනය අස්ථාන ගතවීමේ සිද්ධියක් සම්බන්ධයෙන් බහින්බස්වීමක් සිදුව තිබෙනවා.
එම අවස්ථාවේ දී සැකකරුවන් දෙදෙනා එක්ව මෙම ඝාතනය සිදුකර ප්රදේශයෙන් පලා ගොස් අසල්වැසි ගමක සැඟව සිටිය දී අත්අඩංගුවට ගෙන ඇති බවයි වාර්තා වුණේ.
සැකකරුවන් පුත්තලම මහේස්ත්රාත්වරයා වෙත ඉදිරිපත් කිරීමට නියමිතව තිබුණා.
