මහජනතාවට ගුණාත්මක සේවාවක් ලබාදීම සඳහා දුම්රිය දෙපාර්තමේන්තුවේ මානව හා භෞතික සම්පත් සංවර්ධනය කිරීමේ අරමුණින් ක්රියාත්මක ජාතික වැඩසටහනකට සමගාමීව, සහාය දුම්රිය රියදුරන් 100 දෙනෙකුට ඊයේ (14) දිනයේදී පත්වීම් ලිපි ප්රදානය කළ බව ප්රවාහන අමාත්යාංශය පවසනවා.
දුම්රිය දෙපාර්තමේන්තුවේ මෙහෙයුම් කටයුතු ක්රමවත්ව සහ අඛණ්ඩව පවත්වාගෙන යාම සඳහා, මෙම වසර තුළ පමණක් විවිධ තනතුරු සඳහා සේවකයින් 1,500කට ආසන්න සංඛ්යාවක් බඳවාගෙන ඇති බව ද අමාත්යාංශය වැඩිදුරටත් සඳහන් කරන්නේ.
දුම්රිය ස්ථානාධිපතිවරුන්, දුම්රිය ආරක්ෂක නිලධාරීන් සහ තාක්ෂණික නිලධාරීන් ඇතුළු පුරප්පාඩු පිරවීම සඳහා 2027 වසරේ දී තරග විභාග පදනම මත බඳවා ගැනීම් සිදුකිරීමට දුම්රිය දෙපාර්තමේන්තුව සැලසුම් කර ඇති බවයි වාර්තා වන්නේ.
