මේ වනවිට වෙළඳපොළ තුළ සම්බා සහ කීරි සම්බා සහල්වල හිඟයක් පවතින බව පාරිභෝගික කටයුතු පිළිබඳ අධිකාරියේ සභාපති හේමන්ත සමරකෝන් පවසනවා.
අද (15) මාධ්‍ය හමුවක් පවත්වමින් සභාපතිවරයා මේ බව සඳහන් කළා.
එහිදී ඔහු මෝල් හිමියන්ගෙන් ඉල්ලා සිටියේ පාරිභෝගික කටයුතු පිළිබඳ අධිකාරිය විසින් නිකුත් කර ඇති ගැසට් පත්‍රයේ සඳහන් මිලට අනුව සහල් අලෙවි කිරීමට හැකිවන පරිදි වී මිල දී ගැනීම සිදුකරන ලෙසයි.
මේ අතර පාලන මිල ඉක්මවා සහල් අලෙවිකරන වෙළඳසැල් වැටලීම් අඛණ්ඩව ක්‍රියාත්මක කරන බව සඳහන් කළ සභාපතිවරයා, ඒ සඳහා විශේෂ අවධානයක් යොමුකර ඇති බවත් පැවසුවා.
එමෙන්ම සහල් සඳහා පනවා ඇති උපරිම සිල්ලර මිලක් නියම කරමින් නිකුත් කාර ඇති ගැසට් නිවේදනය ඉවත්කර ගැනීමක් හෝ සංශෝධනය කිරීමක් සිදුනොකරන බවයි ඔහු වැඩිදුරටත් සඳහන් කළේ.
මේ අතර ඊයේ (14) මධ්‍ය හමුවක් පවත්වමින් එක්සත් සහල් නිෂ්පාදකයන්ගේ සංගමය සඳහන් කළේ වෙළඳපොළේ පවතින සම්බා සහ කීරි සම්බා සහල්වල හිඟය හේතුවෙන්, සම්බා සහ කීරි සම්බා අලෙවි කිරීමට පනවා ඇති උපරිම සිල්ලර මිල වහාම ඉවත් කරන ලෙසයි.
