එළඹෙන 10 වනදා දක්වා සහල් ආනයනයට අමාත්ය මණ්ඩල අනුමැතිය හිමිව තිබෙනවා.
පසුගිය 20 වනදායින් අවසන් වූ සහල් ආනයන අවසරය ලබන ජනවාරි 10 වනදා දක්වා දීර්ඝ කිරීමටයි ඊයේ (23) රැස් වූ කැබිනට් මණ්ඩලය විසින් අනුමැතිය ලබා දී ඇත්තේ.
ඊට අදාළ ගැසට් නිවේදනය කඩිනමින් නිකුත් කිරීමට පියවර ගන්නා බවයි වාර්තා වුණේ.
රජය විසින් පෞද්ගලික ආනයනකරුවන්ට සහල් ආනයනයට ලබා දී තිබූ අවසරයට අනුව පසුගිය 20 වනදා වනවිට සහල් මෙට්රික්ටොන් 67,000ක් මෙරටට ආනයනය කර තිබුණා.
එලෙස ආනයනක කළ සහල් තොගයට කැකුළු සහල් මෙට්රික්ටොන් 28,500ක් සහ නාඩු සහල් මෙට්රික්ටොන් 38,500ක් ඇතුළත් බවයි ශ්රී ලංකා රේගුව පැවසුවේ.
සහන ආනයනය අවසාන ලබාදීමත් සමඟ ශ්රී ලංකා රේගුව විසින් රුපියල් බිලියන 4.3ක අදායමක් උපයාගෙන තිබුණා.
වෙළඳපොළේ නඩු, කැකුළු ඇතුළු සහල් වර්ග කිහිපයක පැවති හිඟය හේතුවෙන් සහල් ආනයනය කිරීමට පෞද්ගලික ආනයනකරුවන්ට අවසර ලබාදුන්නා.
