වීවල සහතික මිල සංශෝධනය කිරීමට විමර්ශනය කිරීම සඳහා පත් කරන ලද කමිටුව සිය වාර්තාව මුදල් අමාත්‍යාංශයට ඉදිරිපත් කර තිබෙනවා.
මෙම කමිටුවේ විමර්ශනය මෑත මාසවලදී වී වගාව සඳහා භාවිත කරන යෙදවුම්වල පිරිවැය සලකා බලා සිදුකර ඇති බව කෘෂිකර්ම අමාත්‍යාංශය පවසනවා.
වාර්තාව ඉදිරිපත් කිරීමෙන් පසු නිර්දේශ මුදල් අමාත්‍යාංශයට යොමු කර ඇති අතර, එහිදී වී මිල සංශෝධනය කිරීම සම්බන්ධයෙන් තීරණයක් ගනු ඇති.
පසුගිය යල කන්නයේදී, නාඩු වී කිලෝග්‍රෑමයක් සඳහා රුපියල් 105 ක්, සම්බා වී කිලෝග්‍රෑමයක් සඳහා රුපියල් 115ක් සහ කීරි සම්බා වී කිලෝවක් සඳහා රුපියල් 130ක් ලෙස සහතික කළ මිල ගණන් නියම කරනි ලැබුවා.
එමෙන්ම මහ කන්නයේ වී අස්වැන්න ගබඩා කිරීම සඳහා ගබඩා පහසුකම් සූදානම් කර ඇති බවත්, ලබන මාසයේ අස්වැන්න මිලදී ගැනීම ආරම්භ කිරීමට සැලසුම් කර ඇති බවත් වී අලෙවි මණ්ඩලය පවසනවා.
මේ අතර වී සඳහා ඉතිහාසයේ පළමුවරට වී සඳහා අවම මිලක් තීරණය කිරීමට රජය කටයුතු කරන බව කෘෂිකර්ම නියෝජ්‍ය අමාත්‍ය නාමල් කරුණාරත්න පසුගිය දා සඳහන් කර සිටියා.
