අධ්යාපන පද්ධතිය තුළ තමන් මුහුණ දෙන පරිපාලනය විවිධ ගැටළු මූලික කරමින් වෘත්තීය ක්රියාමාර්ගවලට එළඹීමට තීරණය කළ බව විශ්ව විද්යාල ආචාර්ය සමිති සම්මේලනයේ නියෝජිතයින් පවසනවා.
වැටුප් වර්ධනය, විශ්ව විද්යාල ආචාර්යවරුන්ගේ පවතින හිඟය, විශ්ව විද්යාල පද්ධතියේ පවතින පහසුකම් අවම වීම සහ විශ්ව විද්යාල ආචාර්යවරුන්ගේ දරුවන් පාසල් වෙත ඇතුළත් කිරීමේ දී පැන නඟින ගැටළු ඇතුළු වෘත්තීය ඉල්ලීම් කිහිපයක් ඉලක්ක කර ගනිමින් රජයත් සමඟ දිගින් දිගටම සාකච්ඡා සිදු කළ ද එම ඉල්ලීම් සඳහා සාධනීය ප්රතිචාර හිමි නොවීම මත මෙලෙස වෘත්තීය ක්රියාමාර්ග ආරම්භ කරන බව විශ්ව විද්යාල ආචාර්ය සමිති සම්මේලනය දැනුම් දෙනවා.
ඒ අනුව දැනට විශ්ව විද්යාල ආචාර්යවරුන්ගේ මැදිහත්වීමෙන් සිදු කරගෙන යනු ලබන විෂය නිර්දේශ ප්රතිසංස්කරණය, ගුරු පුහුණුව ඇතුළු සියලුම අධ්යාපන ස්වේච්ඡා වැඩ කටයුතුවලින් ඉවත් වීමට විශ්ව විද්යාල ආචාර්යවරුන් තීරණය කර තිබෙනවා.
එමෙන්ම සති දෙකක කාලයක් ඇතුළත නිසි ප්රතිචාරයක් නොලැබුනහොත් ඉදිරියේ දී පැවැත්වෙන උසස් පෙළ පිළිතුරු පත්ර ඇගයීම්වලිනුත් ඉවත් වීම සම්බන්ධයෙන් ද සලකා බලන බව එම විශ්ව විද්යාල ආචාර්ය සමිති සම්මේලනය රජයට දැනුම් දෙනවා.
