සමූපකාර සේවාව මින් ඉදිරියට සැබෑ මහජන සේවාවක් ලෙස පවත්වාගෙන යන බවත්; එහි පරිපාලනයට දේශපාලනික බලපෑම් රහිත, දූෂණයෙන් හා වංචාවෙන් තොර කණ්ඩායම් සමූපකාර අධ්යක්ෂ මණ්ඩලවලට පත් වනු ඇති බවත් පැවසෙනවා.
සමූපකාර සංවර්ධන නියෝජ්ය අමාත්ය උපාලි සමරසිංහ මහතා පැවසුවේ; වවුනියාව දිස්ත්රික් සමූපකාර නිලධාරීන් දැනුවත් කිරීමේ සාකච්ඡාවට එක්වෙමින්.
මහජනයාට සමීපත ම සේවා හා පොදු පහසුකම් සැපයීමට රාජ්ය යාන්ත්රණය තුළ පැවති දියුණු ම සේවාව වූයේ සමූපකාරය බව නියෝජ්ය අමාත්යවරය ප්රකාශ කළා.
නමුත් කනගාටුවට කරුණක් වන්නේ විවෘත වෙළෙඳපොළ ආර්ථිකයෙන් පසුව මෙරට පාලකයින් විසින් එය අතහැර දමා තිබීම බවයි උපාලි සමරසිංහ මහතා පැවසුවේ.
පසුගිය වසර 15 -20 තුළ මෙම වටිනා රාජ්ය සේවා ආයතන පද්ධතිය බිඳ වැටී ඇති බවත් ඒ නිසා රට තුළ ඉතා ඉක්මනින් බිඳ වැටුණු මෙම සමූපකාර පද්ධතිය යළි පණගැන්වීමට අවශ්ය බවත් හෙතෙම වැඩිදුරටත් කියා සිටියා.
