මාත්‍රා දෙකකින් යුත් කොරෝනා මර්දන එන්නත සම්පූර්ණයෙන්ම ලබා ගත් අයට මුහුණු ආවාරණ පැළඳීම නතර කළ හැකි බව අමෙරිකානු රෝග පාලන හා වැළැක්වීමේ මධ්‍යස්ථානය එරට ජනතාවට මෙය දැනුම්දී තිබෙනවා.
එම මධ්‍යස්ථානයේ ප්‍රකාශයක් උපුටා දක්වමිනුයි, විදෙස් මාධ්‍ය මේ බව කියා සිටියේ.
එමෙන්ම සමාජ දුරස්ථභාවය පවත්වා ගැනීම ද ඔවුන්ට අවශ්‍ය නොවන බවයි එම මධ්‍යස්ථානය අවධාරණය කරන්නේ.
කෙසේ වෙතත්, සෞඛ්‍ය සේවා පහසුකම් සපයන පිරිස් හට මෙය අදාළ නොවන බවත් සඳහන්.
එමෙන්ම නිවෙස් නොමැති පිරිස් හටත්, බන්ධනාගාරගතව සිටින අයටත් කිසිසේත් මුහුණු අවාරණ ඉවත් කිරීමට නොහැකි බව ද රෝග පාලන මධ්‍යස්ථානය කියා සිටියා.
තව ද මගී ප්‍රවාහන සේවාවන්හි කටයුතු කරන අය ද අනිවාර්යයෙන්ම මුහුණු ආවාරණ භාවිත කළ යුතු බවයි එම මාධ්‍යස්ථානය අවධාරණය කළේ.
මීට පෙර ඊශ්‍රායලය ද මුහුණු ආවාරණ පැළඳීම අනිවාර්යය නොවන බව නිවේදනය කර තිබුණා.
ඒ්, එරට තුළ කොරෝනා මර්දන එන්නත්කරණය සාර්ථකව සිදු වෙමින් තිබීම හේතුවෙන්.
