රත්නපුර හිදැල්ලන ආනන්ද විද්යාලයේ අටවන ශ්රේණියේ ඉගෙනුම ලබන දියණියක් විසින් තම පාසල නියෝජනය කරමින් ඒකල බටනලා වාදන අංශයෙන් සමස්ත ලංකා තරඟයට තේරී පත්වී තිබුණේ දිස්ත්රික් මට්ටමින් සහ පළාත් මට්ටමින් ඇය ලබාගත් විශිෂ්ඨ ජයග්රහණ සමඟින්.
එම සමස්ත ලංකා තරඟයට සහභාගි වීම සඳහා ඇය පෙරේදා (28) දිනයේ කොළඹට පැමිණ තිබූ අතර සියලුම තරගකාරියන් අභිබවා යමින් එම තරගයේ ප්රථම ස්ථානය දිනා ගැනීමට ඇය සමත් වී තිබෙනවා.
තමන්ට මෙන්ම තම පාසලටත් ඉමහත් කීර්තියත් අත්කර දෙමින් එම ජයග්රහණයත් සමඟ නැවතත් එම දියණිය නිවසට පැමිණෙන්නේ ඉමහත් වූ සතුටින්.
නමුත් නැවත නිවස වෙත පැමිණි ඇයට දැකගත හැකි වුණේ හද කම්පා කරවන දසුනක් වන අතර ඇය ජීවත්වූ නිවස, තමාගේ සියලු වත්කම් සමඟින් ගිනිබත්වී තිබුණා.
ඇය සතුව තිබූ පාසල් නිල ඇඳුම්, පොත්පත් සහ සංගීත භාණ්ඩ ද ගින්නට හසුවී සම්පූර්ණයෙන් විනාශ වී තිබුණු බවයි පැවසෙන්නේ.
තරඟයට රැගෙන ගිය බටනලාව සහ ඇඳිවත පමණක් ඇය සතු එකම වස්තුව ලෙස ඇයට ඉතිරි වී තිබෙනවා.
රත්නපුර ගොළුවාවිල ප්රදේශයේ මෙම දියණියගේ පියා කුලී රථ රියදුරෙක් වන අතර මව රැකියාවක නිරත නොවන බවයි වාර්තාවන්නේ.
පවුලේ සිටින එකම දරුවා වන මෙම දියණිය සහ දෙමාපියන් දෙදෙනා ජීවත්ව ඇත්තේ වර්ග අඩි 60ක පමණවන මෙම කුඩා නිවසෙයි.
මේ දියණියට පවුලට ඉන්න ගෙයක් සාදා දෙන්න වහාම කටයුත= කරන්න. ඇයගේ දක්ෂතා තව තවත් දියුණු කර ගැනීමට අවශ්ය සංගීත භාණ්ඩ ටික නැවත ලබාදීමද සිදුවිය යුත=ය.