සමනල වැව ජලාශයේ ජලය පිටාර මට්ටමට ළගාවීම හේතුවෙන් එහි වාරිමාර්ග සොරොව්වෙන් අඩක් විවෘත කර ජලය මුදා හැරීමට මෙහෙයුම් ඉංජිනේරුවරුන් කටයුතු කර තිබෙනවා.
මේ හේතුවෙන් වලවේ ගඟේ ජල මට්ටම ක්‍රමයෙන් ඉහළ යමින් පවතින බවයි අප වාර්තාකරුවන් සඳහන් කළේ.
ජලාශයේ ජල පෝෂක ප්‍රදේශවලට අඛණ්ඩව පවතින වර්ෂාව සමග වලවේ ගඟේ ඉහළ කොටස වන බෙලිහුල්ඔය, හිරිකටු ඔය සහ දෙනගම ඔයේ ජල මට්ටම් වැඩි වීමත් සමග මෙලෙස සමනල වැව ජලාශයේ ජල මට්ටම පිටාර මට්ටම දක්වා ඉහළ ගොස් තිබෙනවා.
සමනල වැව ජලාශයෙන් වලවේ ගඟට එකතු වන ජල ධාරිතාවත් සමග කල්තොට, මැදබැද්ද, වැලිපතයාය ඇතුලු පහළ ද්‍රෝණියේ ගංවතුර තත්ත්වයක් ඇතිවිය හැකි බැවින් විමසිලිමත්ව සිටින ලෙසටයි බලධාරින් ජනතාවට දැනුම්දී ඇත්තේ.
සමනල වැව ජලාශයේ වාන් දොරටු මෙලෙස විවෘත කර ඇත්තේ වසර 17 කට පසුව වීම විශේෂත්වයක්. මීට පෙර අවසන් වරට 2006 වසරේ සමනල වැව ජලාශයේ වාන් දොරටු විවෘත කර තිබෙනවා.
සමනල වැව ජලාශයේ වාන් දොරටු තුනක් ඉදිකර ඇති අතර උපරිම ජල මට්ටමට ළගා වු පසු ඵ්වා ස්වයංක්‍රීය විවෘත කෙරෙනවා. සමනල වැව අවසන් වරට වාන් දමා ඇත්තේ 2006 වසරේදීයි.
මේ අතර උඩවලව ජලාශයේ වාන් දොරටු 5ක් විවෘත කිරීම හේතුවෙන් අම්බලන්තොට ඇතුලු පහත් බිම් ප්‍රදේශ රැසක් ද ජලයෙන් යටවී ගොස් තිබෙනවා.
