සමනල වැවෙන්, උඩවලව ජලාශයට ජලය මුදාහැරීම සම්බන්ධ යෝජනාව හෙට (07) යළි කැබිනට් මණ්ඩලය වෙත ඉදිරිපත් කරන බව කෘෂිකර්ම අමාත්ය මහින්ද අමරවීර පවසනවා.
ජනාධිපතිවරයා සමඟ ඊයේ දීර්ඝව මේ සම්බන්ධයෙන් සාකච්ඡා කළ බවයි අමාත්යවරයා සඳහන් කළේ.
මේ වනවිට උඩවලව ජලාශයේ ජල මට්ටම සියයට අඩු මට්ටමකට බැස ඇති බවයි වාර්තා වන්නේ.
උඩවලව ජලාශයෙන් ගොවිතැන් කළ කුඹුරු අක්කර 65,000ක් පමණ ජලය නොමැතිවීම හේතුවෙන් විනාශ මුඛයක යමින් පවතින බවයි ගොවින් පවසන්නේ.
සිය වගාවන්ට ජලය ඉල්ලා ඇඹිලිපිටියේ ගොවීන් සත්යග්රහයක් ආරම්භ කර ඇති අතර, 14 වන දිනටත් අද දිනයේ දී එය ක්රියාත්මකයි.
මේ අතර සමනල වැවෙන් ගොවිබිම්වලට ජලය මුදාහැරීම පිළිබඳව ඉකුත් කැබිනට් මණ්ඩලයේදී සාකච්ඡා කෙරුණා.
එලෙස සමනල වැවෙන් ගොවිබිම්වලට ජලය ලබා දුන්නොත් දකුණු පළාතේ ගාල්ල, මාතර, හම්බන්තොට යන දිස්ත්රික්ක තුනට දිනකට පැය හතරක විදුලි කප්පාදුවක් සිදු කීරීමට සිදුවන බවයි විදුලි බල ඇමති කංචන විජේසේකර පැවසුවේ.
