සම්ප්රදායට එරෙහිව සහ දේශපාලන උවමනාවන් මත සබරගමුව මහ සමන් දේවාලයට වැඩබලන බස්නායක නිළමේවරයෙකු පත්කිරීමට විරෝධය පළ කරමින් එම දේවාලයේ කපු මහත්වරුන් ඇතුළු කාර්ය මණ්ඩලය දේවාලයේ තේවාවන් සහ රාජකාරී කටයුතුවලින් අද (05) ඉවත් වුණා.
විරෝධතාවය දක්වන දේවාලයේ කපුමහත්වරුන් ඇතුළු කාර්ය මණ්ඩල පවසන්නේ මෙලෙස පත්කර ඇති වැඩබලන බස්නායක නිළමේවරයා පවතින රජයේ හිතවතෙකු බවත්, ඔහු එම තනතුර සඳහා සුදුසුකම් සපුරා නොමැති බවයි.
සබරගමු මහ සමන් දේවාලයේ හිටපු බස්නායක නිළමේවරයාගේ ධුර කාලය අවසන් වූ පසු, ස්ථිර බස්නායක නිළමේවරයෙකු පත්කරන තෙක් එම තනතුරේ වැඩ බැලීම සඳහා වැඩබලන බස්නායක නිළමේවරයා ලෙස එස්.වී. චන්ද්රසිංහ, බෞද්ධ කටයුතු කොමසාරිස්වරයා විසින් පත් කරනු ලැබුවා.
රාජකාරි වලින් ඉවත් වූ කපු මහත්වරුන් ඇතුළු පිරිස අද (05) පෙරවරුවේ රත්නපුර – පානදුර මාර්ගයේ පිහිටි සමන් දේවාලයේ පිවිසුම් දොරකඩ අසළට පැමිණ නිහඬ විරෝධතාවයක ද නිරත වුණා.
ආණ්ඩුව හැමතැනම අනාගන්නවා.මුන්ට මොන්ගල්ද මන්දා.
මොන්ගල් , තමයි .මුන්ටත් ඕනෑ , කලින් තිබුන ආන්ඩු වාගේම කප්පන් ගන්නය, ගසා කන්නය් තමයි .
කුල බේධය