සබරගමුව විශ්වවිද්යාලයේ තාක්ෂණික පීඨයේ දෙවැනි වසරේ ඉගෙනුම ලබමින් සිටි චරිත් දිල්ෂාන් නමැති සිසුවා සියදිවි නසාගෙන ජීවිතක්ෂයට පත්වීමේ සිද්ධිය විශ්වවිද්යාලය තුළ ක්රියාත්මක වූ නවකවද සිදුවීමක් මුල් කරගෙන බවට වූ චෝදනාවක් මත අත් අඩංගුවට ගෙන රක්ෂිත බන්ධනාගාරගත කර සිටින සැකකාර ජ්යේෂ්ඨ සිසුන් 11 දෙනා තවදුරටත් සිරගත කරන ලෙසට අද (26) බලංගොඩ මහේස්ත්රාත් අධිකරණය නියෝග කළා.
දසත ප්රාදේශීය වාර්තාකරු පැවසුවේ මෙම සැකකරුවන් මාස දෙකකට ආසන්න කාලයක් මේ වනවිට සිරගත කර සිටින බවත් ඔවුන්ව ජූලි මස 03 වැනි දින තෙක් රක්ෂිත බන්ධනාගාරගත කරන ලෙසට අධිකරණ විනිසුරු භාග්යා දිල්රුක්ෂි වික්රමසිංහ මෙනවිය නියෝග කළ බවයි.
මෙම සිද්ධියට සැකපිට සිසුන් 10 දෙනෙකු අපරාධ පරීක්ෂණ දෙපාර්තමේන්තුව මගින් අවස්ථා 04ක දී අධිකරණයට ඉදිරිපත් කෙරුණු අතර, තවත් සිසුවෙකු පසුව අධිකරණයට භාර වුණා.
සිදුවීම සම්බන්ධයෙන් පරීක්ෂණ සිදු කරන අපරාධ පරීක්ෂණ දෙපාර්තමේන්තුව අධිකරණය වෙත දැනුම්දුන්නේ සැකකරුවන් නවකවද පනත උල්ලංඝනය කර ඇති බවයි.
මෙම කරුණු සැලකිල්ලට ගනිමින් අපරාධ පරීක්ෂණ දෙපාර්තමේන්තුව අධිකරණයෙන් ඉල්ලා සිටියේ සැකකරුවන් හට ඇප ලබා නොදිය යුතු බවයි.
ඒ අනුව සියලු කරුණු සලකා බලා බලංගොඩ මහේස්ත්රාත් අධිකරණය සැකකාර ජ්යේෂ්ඨ සිසුන් 11 දෙනා යළිත් සිරගත කරන ලෙසට නියම කළා.
All eleven must be shot to death.