ටෙස්ට් සංචිතය සේම වඩාත් ස්ථාවර මට්ටමක එක්දින හා පන්දුවාර 20-20 ක්‍රිකට් සංචිතයට ශ්‍රී ලංකා ක්‍රිකට් කණ්ඩායම ගෙන ඒමට හැකියාවක් ඇති බව ශ්‍රී ලංකා ක්‍රිකට් කණ්ඩායමේ ප්‍රධාන (නිත්‍ය) පුහුණුකරු සනත් ජයසූරිය මහතා පවසනවා.
සනත් ජයසූරිය පැවසුවේ; එම බලාපොරොත්තු වෙනුවෙන් කණ්ඩායමේ සෑම ක්‍රීඩකයෙක් ම ඇපකැප වී මහන්සි වන බවයි.
තමන් දේශීය පුහුණුකරුවෙකු බැවින් අතිශය ඉහළ වගකීමක් තමන් සතුව පවතින බවත්; මෙම රාජකාරිය නිසි පරිදි ඉටු නොකළහොත් මෙරට ක්‍රිකට් කණ්ඩායමේ ප්‍රධාන පුහුණුකාරී ධුරය කිසිදිනෙක දේශීය තැනැත්තෙකුට නොලැබීමේ ඉඩකඩ ඇති බවත් වත්මන් ප්‍රධාන පුහුණුකරු සනත් ජයසූරිය අද (07) පැවති මාධ්‍ය හමුවේදී කියා සිටියා.
කිසිදිනෙක තමන්ට විශේෂ වූ ක්‍රීඩකයෙකු නොමැති බවත්; රටට සහ කණ්ඩායමට ඒ මොහොතේ අත්‍යවශ්‍යම ක්‍රීඩකයින් තරගවලට ක්‍රීඩා කිරීමට වග බලා ගැනීම වැදගත් බව ද ප්‍රධාන පුහුණුකරු මෙහිදී වැඩිදුරටත් අදහස් දක්වමින් පැවසුවා.
මේ අතර පසුගිය දිනවල දී සනත් ජයසූරිය සහ ශ්‍රී ලංකා ක්‍රිකට් ආයතනය අතර පැවති ගිවිසුම්ගත විය හැකි වටිනාකම පිළිබඳව සමාජ මාධ්‍යවල සංසරණය වූ පුවත සම්බන්ධයෙන් ද මාධ්‍යවේදීන් මෙහිදී ප්‍රශ්න කර සිටියා.
ඊට පිළිතුරු ලබාදෙමින් ශ්‍රී ලංකා ක්‍රිකට් ආයතනයේ ප්‍රධාන විධායක නිලධාරී ඈෂ්ලි ද සිල්වා කියා සිටියේ එලෙස මාධ්‍ය තුළ හුවා දැක්වූ ආකාරයේ කිසිදු අර්බුදයක් සනත් හෝ ශ්‍රී ලංකා ක්‍රිකට් ආයතනය අතර උද්ගත නොවූ බවත්; සනත් මුදලට නො නැමෙන චරිතයක් බවයි.
හෙතෙම එම සිදුවීම ගැන ප්‍රකාශ කළේ මෙවැන්නක්;
‘‘සනත් ඇවිල්ලා සල්ලිවලට මෝටිවේට් වෙන කෙනෙක් නෙවෙයි. එහෙම දෙයක් ඇත්තටම වුණේ නැහැ. අපි ඔෆර් කරපු එක සනත් ගත්තා. සාමාන්‍යයෙන් ඉන්ක්‍රිමන්ට් එකක් කරන්න මාස දෙක තුනක කාලයක් යනවා..” යනුවෙන්.
එමෙන්ම ගිවිසුම්ගත වීමටත් පෙර සනත් ජයසූරිය පැමිණ කණ්ඩායම සමග පුහුණුවීම් ආරම්භ කළ කාරණය ද මෙහිදී ඈෂ්ලි ද සිල්වා මහතා මතක් කර සිටියා.
Ane palayan Ashley yannada, uba danna motivat, mu salli dakkoth kabaraya.
Mechara salli ganna un ganath hoyyana Ape janadipathi thuma.
Dan okkoma born dewal athi, cricket hri ratata Andrei nam mehema salli ganne naha. Balapan Arjuna mahathayawa.