අභාවප්‍රාප්ත වූ රාජ්‍ය අමාත්‍ය සනත් නිශාන්ත මහතාගේ දේහය පිළිබඳ අවසන් කටයුතු ලබන 28 වන ඉරිදා ආරච්චිකට්ටුවේදී සිදුකිරීමට සැලසුම් කර තිබෙන බව පාර්ලිමේන්තු මන්ත්‍රී මහින්දානන්ද අලුත්ගමගේ මහතා පවසනවා.
අද අලුයම දෙකට පමණ සනත් නිශාන්ත මහතා ගමන්ගත් සුඛෝපභෝගී මෝට රථය කටුනායක අධිවේගී මාර්ගයේ කෙරවලපිටිය ප්‍රදේශයේදී කන්ටේනර් රථයක ගැටීමෙන් සිදුවූ අනතුරකින් ඔහු ජීවිතක්ෂයට පත් වුණා.
රාජ්‍ය නායකයන්, හිටපු ජනාධිපති මහින්ද රාජපක්ෂ මහතා ඇතුළු ශ්‍රී ලංකා පොදු පෙරමුණේ නායකයන් පිරිසක් තුමන්ගේ අවසන් කටයුතු සිදු කරන අවස්ථාවට සහභාගිවීමට නියමිත බව වාර්තා වෙනවා.
