සදීරත් යුතුකම් ඉටු කරයි

ශ්‍රී ලංකා ක්‍රිකට් කණ්ඩායමේ කඩුලු රකින්නෙකු මෙන් ම පිතිකරුවෙකු වශයෙන් කටයුතු කරන සදීර සමරවික්‍රම අගනා අර්ධ ශතකයක් මීට ටික වේලාවකට පෙර ලබා ගත්තා.

සදීර අද දිනයේ දී පාකිස්ථානයට එරෙහි ව ලබා ගත්තේ සිය එක්දින දිවියේ 06 වැනි අර්ධ ශතකයයි.

සදීරගේ ලකුණු 50ට හතරේ පහර 05ක් සහ දැවැන්ත හයේ පහරක් ඇතුළත්.

මෙම අර්ධ ශතකය සදීර නමින් ලියැවී ඇත්තේ පන්දු 43කටයි.

මීට අමතර ව සදීර සමරවික්‍රම ජාත්‍යන්තර එක්දින ක්‍රිකට් ලෝක කුසලානයට එක් වන පළමු අවස්ථාවේ දී ම ලබාගත් පළමු අර්ධ ශතකය ද මෙය ලෙසයි ඉතිහාසගත වන්නේ.

මේ වනවිට ශ්‍රී ලංකා කණ්ඩායම එක්දින ක්‍රිකට් ලෝක කුසලාන තරගාවලියේ 08 වැනි තරගයේ දී පාකිස්ථානයට එරෙහි ව කඩුලු 04ක් දැවී ලකුණු 240ක් ලබා සිටිනවා.

සිව්වැනි කඩුල්ල ලෙස දැවී ගියේ චරිත් අසලංක යි.

කුසල් මෙන්ඩිස් ලකුණු 122ක් පන්දු 77ක දී රැස් කළා.

ශ්‍රී ලංකා කණ්ඩායමේ මේ ක්‍රියාත්මක වන්නේ 33 වැනි පන්දු වාරයයි.