ලංකා සතොස තුලින් අලෙවි කරන ආනයනික බිත්තරයක මිල හෙට සිට රුපියල් 43 දක්වා ඉහළ නංවා ඇති බව වෙළඳ අමාත්‍ය නලින් ප්‍රනාන්දු පවසනවා.
සතොස ද ඇතුලුව සුපිරි වෙළඳසැල්වලට දෛනිකව නිකුත් කරනු ලබන ආනයනික බිත්තර ප්‍රමාණය ද ලක්ෂ 4ක් දක්වා සීමා කිරීමටයි තීරණය කර ඇත්තේ.
ඉන්දීය බිත්තර සඳහා වෙනත් රටවලින් ද පවතින ඉල්ලුම ඉහළ යාම හේතුවෙන් මීට පෙර ගෙන්වූ ප්‍රමාණයම ගෙන්වා ගැනීමට අපහසුවීම හේතුවෙන් මෙම මිල ඉහළ යාම සිදුවී ඇති බව සඳහන්.
ඉන්දියාවෙන් ආනයනය කරනු ලැබූ බිත්තර මෙතෙක් සතොස මගින් අලෙවි කරනු ලැබුවේ රුපියල් 35ක මිලකටයි.
කෙසේවෙතත් අද දිනයේ ජනතාව චෝදනා කළේ සතොස තුළ බිත්තර මිලදී ගැනීමට නොමැති බවයි.
