සංචාරක දකුණු අප්‍රිකානු කාන්තා කණ්ඩායම පාකිස්තාන කාන්තා කණ්ඩායම ලකුණු 10කින් පරාජය කර පළමු පන්දුවාර 20 තරගය ජය ගැනීමට ඊයේ (16) සමත් වුණා.
මෙම තරගාවලිය T20 තරග 03කින් සමන්විත වන අතර තරගාවලියේ සත්කාරකත්වය දරන්නේ පාකිස්තාන කණ්ඩායමයි.
පළමු තරගයේ කාසියේ වාසිය සත්කාරකයින්ට හිමි වූ අතර ඔවුන් පළමුව ලකුණු රැස් කිරීමට ප්‍රතිවාදීන්ට ඇරයුම් කළා.
ඒ අනුව දකුණු අප්‍රිකානු කාන්තා කණ්ඩායම සිය පන්දුවාර 20 අවසානයේ දී කඩුලු 04ක් දැවී ලකුණු 132ක් රැස් කරගැනීමට සමත් වුණා.
නමුත් පාකිස්තාන ක්‍රීඩිකාවන්ට පන්දුවාර 20 අවසානයේ කඩුලු 05ක් දැවී ලබාගත හැකි වූයේ ලකුණු 122ක් පමණි.
ඒ අනුව දකුණු අප්‍රිකාවට පළමු T20 තරගයේ ජය ලකුණු 10කින් හිමිවුණා.
තරගයේ වීරයා සම්මානය හිමිවූයේ පන්දු 63කට නොදැවී ලකුණු 56ක් ලබාගත් දකුණු අප්‍රිකානු කණ්ඩායමේ Tazmin Britsටයි.
තීරණාත්මක දෙවැනි තරගය හෙට (18) මුල්තාන් හි දී ආරම්භ වනවා.
