රුපියල් ලක්ෂ 369ක ආදායම් බදු නොගෙවීමට එරෙහිව දේශීය ආදායම් කොමසාරිස්වරයා පවරා තිබූ නඩුවකට පෙනී නොසිටි හිටපු පාර්ලිමේන්තු මන්ත්රී සජින් ද වාස් ගුණවර්ධන මහතා අත්අඩංගුවට ගෙන අධිකරණයට ඉදිරිපත් කරන ලෙස කොළඹ අතිරේක පවිත්රා සංජීවනී පතිරාජ මහත්මිය නියෝග කර තිබෙනවා.
අද (23) කොළඹ මහේස්ත්රාත් අධිකරණය හමුවේ නඩුව කැඳවනු ලැබු අවස්ථාවේ දී වරෙන්තු නිකුත් කළේ.
ව්යාපාරිකයෙකු වූ සජින් වාස් ගුණවර්ධන මහතා 2010ත් 2012ත් වසරවලට අදාළ ව ආදායම් බදු නොගෙවීම් සම්බන්ධයෙන් දේශීය ආදායම් කොමසාරිස්වරයා 2023 වසරේදී මෙම නඩුව පවරා තිබුණා.
පැමිණිල්ල වෙනුවෙන් පෙනී සිට සිටින නීතිඥ දිනේෂ් පෙරේරා මහතා සඳහන් කර සිටියේ වගඋත්තකරුට සිතාසි භාර දී ඇති මුත් අධිකරණයේ පෙනී සිට නොමැති බවයි.
ඉදිරිපත් වූ කරුණු සලකා බැලූ අතිරේක මහේස්ත්රාත්වරිය විත්තිකරු අත්අඩංගුවට ගෙන අධිකරණයට ඉදිරිපත් කරන ලෙසට නියෝග කරමින් වරෙන්තු නිකුත් කළා.
