මැතිවරණය ළංවත් ම ඇතැම් ප්‍රදේශවලින් මැතිවරණ ප්‍රචණ්ඩ ක්‍රියා වාර්තා වන අයුරු දක්නට ලැබෙනවා.
එලෙස වාර්තා වන මැතිවරණ ප්‍රචණ්ඩ ක්‍රියා සම්බන්ධයෙන් වන පැමිණිලි මැතිවරණ කොමිෂන් සභාව වෙත ලැබී ඇති බවට ද දිනය අවසන් වන විට මැතිවරණ කොමිෂන් සභාව විසින් නිවේදනය කරනු ලබනවා.
එවැනි ම සිදුවීමක් ඊයේ (11) රාත්‍රියේ ද සිදු ව ඇත්තේ අම්පාර – උහන පාලම් කඳවුර ප්‍රදේශයේ දීයි.
අප ප්‍රාදේශීය වාර්තාකරුට අනුව එම ප්‍රදේශයේ ඉදිකර තිබූ සමගි ජන බලවේගය පක්ෂ කාර්‍යාලයේ නාම පුවරු කිසියම් පිරිසක් විසින් කඩා බිඳ දමා තිබෙනවා.
