විපක්ෂ නායක සජිත් ප්‍රේමදාසගේ ආරක්ෂක අංශයට යොදවා තිබූ ප්‍රභු ආරක්ෂක රථයක යතුරුපැදියක් ගැටීමෙන් ඊයේ (14) පස්වරුවේ අනතුරක් සිදුව තිබෙනවා.
අම්පාර, දමන පොලිස් වසමේ හෙළගම්පුර හංදිය අසළ දී මෙම අනතුර සිදුව ඇති බවයි පොලිසිය පැවසුවේ.
ප්‍රභු ආරක්ෂක රථය යතුරුපැදියට ඉස්සර කිරීමට යාමේ දී යතුරුපැදිය එක්වරම මාර්ගය දෙසට කැපීමත් සමඟ එය ප්‍රභූ ආරක්ෂක රථයේ ගැටීමෙන් මෙම අනතුර සිදුව තිබෙනවා.
අනතුරින් තුවාල ලැබූ යතුරුපැදියේ ගමන් ගත් දෙදෙනා ප්‍රතිකාර සඳහා අම්පාර මහ රෝහලට ඇතුළත් කර ඇති බවයි වාර්තා වුණේ.
එලෙස රෝහල්ගත කළ එක් අයෙකු මේ වනවිට දැඩිසත්කාර ඒකකයේ ප්‍රතිකාර ලබන බව පොලිසිය සඳහන් කළා.
ප්‍රභූ ආරක්ෂක රථය පැදවූ රියදුරා දමන පොලිසිය විසින් අත්අඩංගුවට ගෙන අද (15) අම්පාර අධිකරණය වෙත ඉදිරිපත්කර තිබෙනවා.
එහිදී ඔහුව ලබන බදාදා (18) දක්වා රක්ෂිත බන්ධනාගාර ගත කිරීමටයි නියෝග කර ඇත්තේ.
