දුම්රිය ගාස්තු සංශෝධනය ක්‍රියාත්මක කිරීමේදී ඊට පරිබාහිරව යමින් කටයුතු කරන දුම්රිය සේවකයින්ට එරෙහිව විනය ක්‍රියාමාර්ග ගන්නා බව දුම්රිය දෙපාර්තමේන්තුව පවසනවා.
දුම්රිය ගාස්තු සංශෝධනය අද (23) දිනයේ සිට ක්‍රියාත්මක අතර, දුම්රිය ස්ථානාධිපතිවරුන්ගේ සංගමය සඳහන් කළේ අද දිනයේ සිට දුම්රිය ගාස්තු සංශෝධනය ක්‍රියාත්මක කළ නොහැකි බවයි.
ඒ අනුව දුම්රිය ස්ථානවලින් අද (23) දිනයේ ද පැවති මිලට ම ප්‍රවේශපත් මිලදී ගතහැකි බව ඔවුන් සඳහන් කළා.
කෙසේ වෙතත් ලබන පළමු වනදා සිට එය ක්‍රියාත්මක කිරීමේ හැකියාව ඇති බව දුම්රිය ස්ථානාධිපති සංගමය වැඩිදුරටත් සඳහන් කර සිටියා.
