ගනේමුල්ල සංජීව සැලැස්ම එම අපරාධයේ මහමොළකාරිණිය ලෙස සැලකෙන ඉෂාරා සෙව්වන්දි විසින් සකසන ලද්දේ ඇයගේ මීගමුවේ – ජය මාවත ප්රදේශයේ පිහිටි නිවසේ සිට බව කොළඹ අපරාධ කොට්ඨාසය අධිකරණයට දැනුම්දී තිබෙනවා.
මෙම සිද්ධිය සම්බන්ධයෙන් ඊයේ (26) අධිකරණයේ නඩු විභාග කටයුතු සිදු වූ අතර එහිදී අත් අඩංගුවේ සිටින මීගමුව පොලිස් ස්ථානයට අනුයුක්තව සේවය කළ කොස්තාපල් පවසා ඇත්තේ ඝාතනය සම්බන්ධයෙන් තමන් දැනුම්වත් වී සිටි බවයි.
එමෙන්ම මෙම සිද්ධියට අත් අඩංගුවට ගෙන රක්ෂිත බන්ධනාගාරගත කර සිටින අතුරුගිරිය පොලිසියේ කොස්තාපල්වරයා බූස්ස බන්ධනාගාරයේ අධි ආරක්ෂිත කලාපයේ දැනට රඳවා සිටින ජූලම්පිටියේ අමරේ නමැති අපරාධ කල්ලි නායකයාගේ ඥාති පුත්රයෙකු බව ද හෙළිව තිබෙනවා.
මෙම පොලිස් කොස්තාපල්වරයා දූෂිත නිලධාරියෙකු බවට බුද්ධි අංශ තොරතුරු ලැබීම මත ඔහුව යාපනයට ස්ථාන මාරු කර යවා ඇත්තේ මීට සිව් වසරකට ඉහතදියි.
නමුත් ප්රබල දේශපාලනඥයෙකුගේ මැදිහත් වීමකින් හෙතෙම යළිත් තංගල්ල පොලිස් කොට්ඨාසයට මාරුවක් ලබාගෙන පැමිණ තිබෙන බවත් හෙළි ව තිබෙනවා.
එමෙන්ම ඝාතනය සිදු වූ පෙබරවාරි මස 19 වැනි දින සංජීව කුමාර සමරරත්න නමැත්තාව අධිකරණයට ගෙන ආ පොලිස් හා පොලිස් විශේෂ කාර්යය බලකායෙ මෙන් ම බන්ධනාගාර නිලධාරීන්ගේ ද දූරකථන පරීක්ෂා කිරීමකට ගෙන ඇති බවත්, ඝාතනය කළ වෙඩික්කරු ඔහු ම දැයි නිශ්චිත ව ම තවදුරටත් තහවුරු කිරීම සහ කිසිදු අයෙකුට ඒ ගැන සැකයක් ඇති නොවීමටත් සීසීටීටී දර්ශන ඔස්සේ විශේෂ විමර්ශනයක් ද ආරම්භ කිරීමටයි කටයුතු කර ඇත්තේ.
මේ අතර ගනේමුල්ල සංජීව ඝාතනයට දින දෙකකට පමණ පෙර වෙඩික්කරු වන කමාන්ඩෝ සමිදු සහ ඉෂාරා දිවුලපිටියේ ළැඟුම්හලක සිට ඇති බවත් ඔවුන් සුපිරි වෙළෙඳසැලකින් භාණ්ඩ ගෙන කුලී රථයකින් විවාහ මංගල්යයකට යන බව පවසා ගොස් ඇත්තේ රාජ්ය බැංකුවකින් රුපියල් 50000ක මුදලක් ද ගෙන බවයි හෙළි ව ඇත්තේ.
වෙඩික්කරු සහ ඉෂාරා ව ගෙන ගිය කුලී රථයේ රියදුරුගෙන් ද ප්රශ්න කර ඇති අතර බැංකුවෙන් මුදල් ගැනීමට සැකකාරිණිය ගිය අවස්ථාවේ දී කමාන්ඩෝ සමිඳු නමැත්තා විසින් කුලීරථ රියදුරු හට දුම්වැටියක් ද පිරිනමා සුහද ව කතාබහ කළ බව ද සාක්ෂියේ සටහන් ව තිබෙනවා.
සංජීව ඝාතනයෙන් අනතුරුව ඉෂාරා සෙව්වන්දි රුපියල් ලක්ෂ 05ක රත්රං භාණ්ඩ ද මිලට ගෙන ඇති අතර ඇයගේ සහෝදරයාගේ ගිණුමට ද ඩුබායි හි සැඟවී සිටිමින් මෙම ඝාතනය මෙහෙයවූ කෙසෙල්බද්දර පද්මේ නමැත්තා විසින් ලක්ෂයක පමණ මුදලක් බැර කර ඇති බවයි හෙළි ව ඇත්තේ.
එමෙන්ම ඝාතනයට අවශ්ය ගිනි අවිය අපරාධ නඩු විධාන සංග්රහය නමැති කෘතියෙහි සූක්ෂ්ම ව සඟවා ඇත්තේ ද ඉෂාරාගේ සොහොයුරු බවට හෙළි ව තිබෙනවා.
මේ හේතුවෙන් එළඹෙන 07 වැනි දා දක්වා එම සොහොයුරු සහ සැකකාරිණියගේ මව රක්ෂිත බන්ධනාගාරගත කිරීමටත් නියෝග කෙරුණා.
There are so many such POLICE officers related to criminals in the department. During IGP Balasuriya there was a instruction to not to consider those issues. That is the reason why all these. When entertain to CID not only family details even enlistment files too had been checked. Now it is not done since 1990. MR distroyed the department even by absorbed the reservist.
අනුර එක්ක මේ සෙල්ලම් බැහ කොහෙත්ම. අන්න ඒකයි අපි අනුරට චන්දෙ දුන්නෙ