සංචාරක වීසා භාවිත කරමින් රැකියා සඳහා ඩුබායි රාජ්යයට යාමට උත්සාහ කළ කාන්තාවන් 06 දෙනෙකු ව ආපසු හරවා යවා ඇති කටුනායක ගුවන් තොටුපොළේ පිහිටුවා ඇති ආරක්ෂිත සංක්රමණ ප්රවර්ධන ඒකකයේ නිලධාරීන් එම කාන්තාවන්ගේ විදෙස් ගමන් බලපත්ර අසාදු ලේඛනගත කිරීමට ද කටයුතු කර තිබෙනවා.
මෙලෙස නීතිවිරෝධී ව පිටව යාමට පැමිණ සිටි කාන්තාවන් සම්බන්ධයෙන් ඇති වූ සැකය හේතුවෙන් ඔවුන්ව රඳවාගෙන ප්රශ්න කිරීමට ගුවන් තොටුපොළේ ආරක්ෂිත සංක්රමණ ප්රවර්ධන ඒකකයේ නිලධාරීන් කටයුතු
කර ඇති බවයි වාර්තා වන්නේ.
එහිදී අනාවරණය වී ඇත්තේ ඔවුන් සංචාරක වීසා මත පිටත්ව යන්නේ ඩුබායි හි රැකියාවන් සඳහා බවයි.
එම කාන්තාවන්ගෙන් ලබා ගත් තොරතුරු අනුව ඔවුන්ව ඩුබායි බලා සංචාරක වීසා මගින් පිටත් කර හැරීමට කටයුතු සුදානම් කළ මාතර – වෙල්ගොඩ පදිංචි පුද්ගලයෙකු ව සහ මිහින්තලේ – අශෝකපුර පදිංචි කාන්තාවක් ආරක්ෂිත සංක්රමණ ප්රවර්ධන ඒකකයේ නිලධාරීන් විසින් අත්අඩංගුවට ගෙන තිබෙනවා.
ඒ ගුවන් තොටුපොළ පරීශ්රයේ රැඳී සිටියදී ය.
අත්අඩංගුව ගෙන ඇති සැකකරු සහ සැකකාරිය මීගමුව මහේස්ත්රාත්වරයා වෙත ඉදිරිපත් කිරීමෙන් අනතුරුව රක්ෂිත බන්ධනාගාරගත කර ඇති බවයි අප ප්රාදේශීය වාර්තාකරු පැවසුවේ.
මැලේසියාව, ඕමානය, ඩුබායි සහ අබුඩාබි යන රටවල්වලට පසුගිය කාලයේ රැකියා අපේක්ෂාවෙන් සංචාරක වීසා මගින් ඇතුළු වූ බොහෝ දෙනෙකු ඒ රටවල්වල දී විවිධ කරදරවලට මුහුණ දී සිටින බව පසුගිය කාලයේ වාර්තා වුණා.
මෙම තත්ත්වය පාලනය කිරීම සඳහා පැය 24 පුරා සතියේ දින 07 ම ක්රියාත්මක ආරක්ෂිත සංක්රමණ ප්රවර්ධන ඒකකයක් කටුනායක ගුවන් තොටුපොළේ ස්ථාපනය කිරීමට විදේශ රැකියා ප්රවර්ධන අමාත්යාංශය කටයුතු කළේ එවන් පසුබිමකදීයි.
විදේශ සේවා නියුක්ති කාර්යංශය, අපරාධ පරීක්ෂණ දෙපාර්තමේන්තුව, ආගමන විගමන දෙපාර්තමේන්තුව සහ රාජ්ය බුද්ධි අංශයේ නිලධාරීන්ගෙන් මෙම ඒකකය සමන්විත බවත් වාර්තා වනවා.
