මෙම වසරේ මේ දක්වා කාලය තුළ මෙරටට පැමිණි සංචාරකයින් ගණන ලක්ෂ 11 සීමාව ඉක්මවා ගොස් තිබෙනවා.
ඒ, අනුව ජනවාරි පළමු වනදා සිට ජුනි 21 දින දක්වා මෙරටට පැමිණි සංචාරකයින් සංඛ්‍යාව 1,104,354ක් බවයි සංචාරක සංවර්ධන අධිකාරිය පවසන්නේ.
එමෙන්ම ජුනි මාසයේ පළමු වනදා සිට 21 වනදා දක්වා කාලය තුළ සංචාරකයින් 82,332ක් මෙරටට පැමිණ ඇති බවයි එම අධිකාරිය සඳහන් කළේ.
මෙම වසරේ වැඩිම සංචාරකයින් ප්‍රමාණයක් පැමිණ ඇත්තේ පෙබරවාරි මාසයේ වන අතර එම සංඛ්‍යාව 279,328ක්.
මේ අතර වසරේ ගතවූ කාලය තුළ වැඩිම සංචාරකයින් සංඛ්‍යාවක් පැමිණ ඇත්තේ ඉන්දියාවෙන් වන අතර, එම ගණන 281,418ක්.
මීට අමතරව එක්සත් රාජධානියෙන් සංචාරකයින් 104,751ක් සහ රුසියාවෙන් සංචාරකයින් 76,963ක්ද මෙරටට පැමිණ තිබෙනවා.
