අභිරහස් ලෙස මියගිය ප්රසිද්ධ ව්යාපාරික දිනේෂ් ෂාෆ්ටර්ගේ මළ සිරුර තැන්පත් කර ඇති බොරැල්ල සුසාන භූමියේ ස්ථානයට ගිනි අවි සහිත පොලිස් ආරක්ෂාව යොදවා ඇති බව උසස් පොලිස් නිලධාරියෙකු සඳහන් කළා.
දිනේෂ් ෂාෆ්ටර්ගේ අභිරහස් මරණයට හේතු සෙවීම සඳහා ඔහුගේ දේහය යළි ගොඩගැනීමට අවශ්යව ඇතැයි ඒ වෙනුවෙන් පත් කළ පංච පුද්ගල විශේෂ වෛද්ය මණ්ඩලය කොළඹ මහේස්ත්රාත් අධිකරණයෙන් ඉකුත් ඉකුත් 18 වනදා ලිඛිතව ඉල්ලීමක් කර තිබුණා.
එම ඉල්ලීම සලකා බැලූ කොළඹ මහේස්ත්රාත් අධිකරණය එම දේහය ගොඩගැනීම සඳහා අවසර ලබාදුන් අතර, ඒ අනුව එළඹෙන බ්රහස්පතින්දා (25) දින එය ගොඩගැනීමට නියමිත බවයි වාර්තා වුණේ.
දිනේෂ් ෂාෆ්ටර්ගේ මරණය සිය දිවි හානිකර ගැනීමක් ද ? ඝාතනයක්ද? යන්න තීරණයක් ගැනීම සඳහා පංච පුද්ගල විශේෂ වෛද්ය මණ්ඩලයක් පත්කිරීමට විශේෂඥ වෛද්යවරුන්ගේ නාම ලේඛනයක් අධිකරණයට ඉදිරිපත් කරන ලෙස කොළඹ අතිරේක මහෙස්ත්රාත්වරිය සෞඛ්ය අධ්යක්ෂක ජනරාල් වරයාට ඉකුත් පෙබරවාරි 17 නියෝග කරණු ලැබුවා.
