ශූරයින්ගේ කුසලානයේ පළමු අවසන් පූර්ව වටය අද (04) ආරම්භ වුණු අතර මෙවර අවසන් මහා තරගයට සුදුසුකම් ලබා ගැනීම සඳහා ඉන්දීය කණ්ඩායමට ඔස්ට්‍රෙලියාවෙන් ලකුණු 265ක ඉලක්කයක් හිමි වුණා.
තරගයේ කාසියේ වාසිය දිනූ නායක ස්මිත් පළමුව පිතිකරණය ඇරඹි අතර ඔස්ට්‍රෙලියානු කණ්ඩායම සියලු දෙනා දැවී ලකුණු 264ක් ලබා ගත්තා.
මුල් පිතිකරුවන් අඩු ලකුණු සංඛ්‍යාවකට දැවී ගියත් ක්‍රමයෙන් සිය කණ්ඩායමේ ලකුණු පුවරුව ගොඩනැගූ නායක ස්ටීවන් ස්මිත් ලකුණු 73ක් ලබා සිටියදී මොහොමඩ් ශමිගේ පන්දුවක් හමුවේ දැවී ගියා.
පන්දු රැකීමේදී මෙන් ම පිතිකරණයෙන් ද කවදත් දස්කම් පානා ඇලෙක්ස් කේරී දුවද්දී දැවී යාමකට හසුවන විට ඔහුගෙන් ඔස්ට්‍රෙලියානු ලකුණු පුවරුවට එක්ව තිබූ ලකුණු සංඛ්‍යාව 61ක්
ට්‍රවිස් හෙඩ් ලකුණු 39 යි.
මාර්නස් ලබුශේන්ග් ලකුණු 29ක් ලබා ගත්තා.
කඩුලු බිඳ දැමීමේ දී මොහොමඩ් ශාමි කඩුලු 03ක් බිඳ හෙලුවා.
වරුන් චක්‍රවර්තී සහ ජඩේජා එක් ව කඩුලු දෙක බැගින් බිඳ දැමූ අතර එක් කඩුල්ල බැගින් හර්දික් පාණ්ඩ්‍යා සහ අක්සාර් පටෙල් ඉදිරියෙන් ලියැවුණා.
ඒ අනුව මාර්තු 09 වැනි දින පැවැත්වෙන චැම්පියන්ස් කුසලානයේ අවසන් මහා තරගයට සුදුසුකම් ලබන පළමු කණ්ඩායම බවට පත්වීමේ භාග්‍යය උදා කරගැනීමට නම් ඉන්දියාව ලකුණු 265ක් ලබාගත යුතු වනවා.
තරගය පැවැත්වෙන්නේ ඩුබායි හි දී.
