එළඹෙන සැප්තැම්බර් 15 වනදා පැවැත්වීමට නියමිත ශිෂ්යත්ව විභාගය නිමිත්තෙන් විභාග කොමසාරිස් ජනරාල් අමිත් ජයසුන්දර විසින් මාධ්ය හමුවක් පවත්වා තිබෙනවා.
පෙරවරු 9.30ට විභාගය ආරම්භ වන අතර මෙවර විභාග අපේක්ෂකයන් 3,23,879 ක් ඉදිරිපත්වන බවයි විභාග කොමසාරිස් ජනරාල්වරයා කියා සිටින්නේ.
ඒ අතුරින් දෙමළ මාධ්ය සිසුන් 79,000 සහභාගී වන බවත් විභාග මධ්යස්ථාන 2,849 පිහිටුව තිබෙන බවත් ඔහු ප්රකාශ කළා.
ආරෝග්යශාලා යොදා ගනිමින් ද විභාග මධ්යස්ථාන ස්ථාපිත කර ඇති බවයි ඔහු පෙන්වා දෙන්නේ.
ඊයේ (12) දින මධ්යම රාත්රියේ සිට ප්රශ්න පත්ර සම්බන්දීකරණ මධ්යස්ථාන වෙත නිකුත් කර තිබෙනවා.
මේ වන විට විභාගය පවත්වන්න සියල්ල සූදානම් බවයි විභාග කොමසාරිස් ජනරාල්වරයා මාධ්ය හමුවේ දී කියා සිටියේ.
සෑම පාසලකටම පොලිස් ආරක්ෂාව ලබා දීමට ද කටයුතු සූදානම් බව විභාග කොමසාරිස්වරයා ප්රකාශ කර සිටියා.
උතුරු පළාතේ ප්රශ්න පත්ර ප්රවාහනය කිරීමට නාවික හමුදාවේ සහාය ලබා ගෙන තිබෙනවා.
විභාගයට පෙනී සිටින දරුවන් සියලු දෙනා ප්රථමයෙන් තමන්ගේ පාසල වෙතගොස් අදාළ පාසලේ ගුරුවරුන් සමගින් විභාග මධ්යස්ථානයට යා යුතු බවත් මෙවර මෙම විභාගය සඳහා ප්රවේශ පත්රයක් නිකුත් කර නොමැති බවත් මෙම මාධ්ය හමුවේ දී අදහස් පළ වුණා.
විභාගයට පෙනීසිටින විටදී කලු හෝ නිල් පෑන් පමණක් භාවිත කරන මෙන් ද පැන්සලෙන් ලිවීමට අවශ්ය දරුවන්ට එම ක්රමවේදය භාවිතා කළ හැකි බවද විභාග කොමසාරිස්වරයා කියා සිටියා.
ස්මාර්ට් ඔරලෝසු, කතුරු සහ ෆයිල් කවර විභාග මධ්යස්ථානයට ගෙන යාමට ඉඩ නොදෙන බවයි එම මාධ්ය හමුවේ දී අදහස් පළ වුණේ.
මෙහිදි වැඩිදුරටත් අදහස් දැක් වූ විභාග කොමසාරිස්වරයා කියා සිටින්නේ, දරුවන්ට බාධා වන අයුරින් මැතිවරණ ප්රචාරක කටයුතු නොපවත්වන ලෙසයි.
