පසුගිය ඉරිදා නිමාවට පත් වූ පහ ශ්රේණිය ශිෂ්යත්ව විභාගයේ ප්රශ්න පත්රයක් විභාගය පෙර පිට වී ඇති බව කියන සිද්ධිය සම්බන්ධයෙන් මේ වනවිට අපරාධ පරීක්ෂණ දෙපාර්තමේන්තුව ආරම්භ කර ඇති බව අධ්යාපන අමාත්යංශය පවසනවා.
අද (20) පෙරවරුවේ පැවති මාධ්ය හමුවකට එක්වෙමින් අධ්යාපන අමාත්යංශයේ ලේකම් තිලකා ජයසුන්දර මේ බව සඳහන් කළා.
මෙම සිද්ධිය සම්බන්ධයෙන් පැවැත්වෙන පරීක්ෂණයේ ප්රතිඵලය අනුව එවැනි ආකාරයට ප්රශ්න පත්රයක් විභාගය පෙර පිට වී ඇති බවට තහවුරු වන්නේ නම් නැවත වරක් විභාගය පැවැත්වීමට කටයුතු කිරීමට හැකි බව ද ලේකම්වරිය මෙහිදී පැවසුවා.
මේ අතර විභාගයට පෙර සම්මන්ත්රණ, උපකාකර පංති ආදිය පැවැත්වීමට නියෝග කර තිබියදීත් එම කාලය තුළ ඇතැම් උපකාරක පංති ගුරුවරුන් උපකාකර පංති සහ සම්මන්ත්රණ පවත්වා ඇති බවට තොරතුරු වාර්තා වී ඇති බවයි ලේකම්වරිය වැඩිදුරටත් සඳහන් කළේ.
මේ අතර ශිෂ්යත්ව විභාගයේ උත්තර පත්ර සමීක්ෂණය තාවකාලිවක අත්හිටුවීමට පියවර ගෙන ඇති බව ද ඇය මෙහිදී පවසා සිටියා.
