කොළඹ “සිටි ඔෆ් ඩ්රීම්ස් ශ්රී ලංකා” පරිශ්රයේ නව කැසිනෝ ශාලාව විවෘත කිරීමේ උත්සවය සඳහා බොලිවුඩයේ සුපිරි නළුවකුවන රිතික් රෝෂන් සහභාගී වීමට නියමිත බව වාර්තා වනවා.
අගෝස්තු 02 වනදා පැවැත්වෙන එම උත්සවයේ විශේෂ ආරාධිත අමුත්තා වශයෙන් රිතික් රෝෂන් ශ්රී ලංකාවට පැමිණෙන බවයි සිටි ඔෆ් ඩ්රීම්ස් ශ්රී ලංකා නිල ෆේස්බුක් පිටුවේ සඳහන් කර ඇත්තේ.
මෙම කැසිනෝ ශාලාව විවෘත කිරීමේ උත්සවයේ විශේෂ ආරාධිතයා වශයෙන් බොලිවුඩයේ සුපිරි නළු ශාරුක් ඛාන් සහභාගී වන බවට මීට පෙර දැනුම් දී තිබුණා.
කෙසේ වෙතත් පසුව ඔහු මෙම අවස්ථාවට නොපැමිණෙන බවයි දැනුම් දුන්නේ.
නොවැළැක්විය හැකි පෞද්ගලික හේතුවක් මත තමන්ට එම උත්සවයට සහභාගී වීමට නොහැකි බවයි ශාරුක් ඛාන් පවසා තිබුණේ.
