අධිකරණයට අපහාස කළේ යැයි චෝදනා කරමින් දේශපාලන පළිගැනීම් පිළිබඳව සොයා බැලූ කොමිසමේ සභාපති හිටපු ශ්රේෂ්ඨාධිකරණ විනිසුරු උපාලි අබේරත්න ඇතුළු එම කොමිසම සාමාජිකයන් එරෙහිව අපරාධ පරීක්ෂණ දෙපාර්තමේන්තුවේ හිටපු අධ්යක්ෂ ශානි අබේසේකර විසින් ඉදිරිපත් කර තිබෙන පැමිණිල්ල ඔක්තෝම්බර් මස 11 වනදා කැඳවන ලෙස අභියාචනාධිකරණය නියම කළා.
එම පෙත්සම අද (18) අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න සහ චමත් මොරායාස් යන මහත්වරුන්ගෙන් සමන්විත විනිසුරු මඩුල්ල ඉදිරියේ කැඳවනු ලැබුවා.
එහිදී විනිසුරු මඩුල්ල නියෝග කළේ මෙම පෙත්සමට අදාළව සිතාසි නිකුත් කළ විනිසුරු මඩුල්ල වන අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න සහ ආර්. ගුරුසිංහ යන මහත්වරුන්ගෙන් සමන්විත විනිසුරු මඩුල්ල ඉදිරියේ එම පෙත්සම ඔක්තෝබර් මස 11 වනදා කැඳවන ලෙසයි.
අපරාධ පරීක්ෂණ දෙපාර්තමේන්තුවේ හිටපු අධ්යක්ෂ ශානි අබේසේකර ගොනු කළ පෙත්සමක් සලකා බැලූ අභියාචනාධිකරණය එහි වගඋත්තරකරුවන් වශයෙන් නම් කර සිටි දේශපාලන පළිගැනීම් පිළිබඳව සොයා බැලූ කොමිසමේ සභාපති උපාලි අබේරත්න, සාමාජිකයින් වන චන්ද්රා ජයතිලක සහ චන්ද්රා ප්රනාන්දු යන අයට අධිකරණය හමුවේ පෙනී සිටින ලෙස දන්වා සිතාසි නිකුත් කර තිබුණා.
එම සිතාසි නිකුත් කළ ආකාරය නීතියට පටහැනි බවත් ඒ සම්බන්ධයෙන් විරෝධතා ගොනු කර තිබෙන බවත් උපාලි අබේරත්න ඇතුළු වගඋත්තරකරුවන් වෙනුවෙන් පෙනී සිටි ජනාධිපති නීතිඥ ඉක්රම් මොහොමඩ් අධිකරණයට දැනුම් දුන්නා.
මෙහිදී ශානි අබේසේකර වෙනුවෙන් පෙනී සිටි නීතිඥ හස්තික දේවේන්ද්ර අධිකරණය හමුවේ කරුණු දක්වමින් අධිකරණය හමුවේ පෙනී සිටින ලෙස දන්වා සිතාසි නිකුත් කර තිබෙන අවස්ථාවක වගඋත්තරකරුවන් අධිකරණයට නොපැමිණ මේ ආකාරයෙන් විරෝධතා ගොනු කිරීම අධිකරණ ක්රියා පටිපාටිය අවභාවිතාවට ලක් කිරීමක් බවට චෝදනා කළා.
කෙසේ වෙතත් ඉදිරිපත් වූ කරුණු සලකා බැලූ විනිසුරු මඩුල්ල පෙත්සම ලබන මස 11 වනදා කැඳවීමට නියම කළ අතර එදින මේ සම්බන්ධයෙන් කරුණු දක්වන ලෙසත් පාර්ශවකරුවන්ට නියෝග කර සිටියා.
තමන් සම්බන්ධයෙන් සිදුකරන විමර්ශන කටයුත්තක් ඉදිරියට පවත්වාගෙන නොයන බවට දේශපාලන පළිගැනීම් කොමිසමේ සභාපතිවරයා ඇතුළු සාමාජිකයින් මීට පෙර අභියාචනාධිකරණයට ලබාදුන් පොරොන්දුවක් උල්ලංඝනය කිරීම තුළින් ඔවුන් අධිකරණයට අපහාස කළේ යැයි චෝදනා කොට ශානි අබේසේකර විසින් මෙම පෙත්සම ඉදිරිපත් කර තිබෙනවා.
Must punished these lunatics.