ශ්‍රී ලංකා මෙතොදිස්ත සභාවේ 14 වැනි මහානායකතුමා ලෙස කිංස්ලි වීරසිංහ දේවගැතිතුමා පත් කර තිබෙනවා.
මෙම දේවගැතිතුමන් ඊයේ (19) පස්වරුවේ සිය ධුරයේ වැඩ භාර ගැනීම දේව මෙහෙයෙන් අනතුරුව සිදු කළා.
පිළිමතලාව ශ්‍රී ලංකා දේව ධර්ම ශාස්ත්‍රාලයේ ක්‍රිස්තියානි ධර්මය පිළිබඳ උපාධිය ලැබ, කැලණි විශ්වවිද්‍යාලයට අනුබද්ධිත බෞද්ධ හා පාලි විශ්වවිද්‍යාලයේ බෞද්ධ දර්ශනය පිළිබඳ ශාස්ත්‍රපති උපාධියත්, කැලණි විශ්වවිද්‍යාලයේ ක්‍රිස්තියානි සංස්කෘතිය පිළිබඳ උපාධියත් ලබාගෙන තිබෙනවා.
ශ්‍රී ලංකා මෙතොදිස්ත සභාව වසර 210ක ඉතිහාසයක් ඇති; මෙරට පාර්ලිමේන්තු පනතක් මගින් සම්මත වූ සභාවක් වන අතර; මෙම සභාවෙන් නිර්මාණය වූ මෙරට ප්‍රමුඛ පෙළේ පාසල් අතර;
කොළඹ වෙස්ලි විද්‍යාලය, මෙතොදිස්ත විද්‍යාලය , යාපනය මධ්‍ය මහා විද්‍යාලය, වෙම්බඩි කාන්තා විද්‍යාලය, මීගමුව නිවුස්ටඩ් විද්‍යාලය, ගාල්ල රිච්මන්ඩ්, සවුත්ලන්ඩ් සහ රිපන් යන විද්‍යාල, මහනුවර කිංස්වුඩ් සහ උසස් බාලිකා විද්‍යාලය ද ඒ අතර වනවා.
එවන් විශිෂ්ට සේවාවක් සිදු කළ ශ්‍රී ලංකා මෙතෝදිස්ත සභාවේයි නව මහානායකතුමා ලෙස කිංස්ලි වීරසිංහ දේවගැතිතුමන් ඊයේ සිට සිය නව රාජකාරි ඇරඹුවේ.
