ශ්රී ලංකාව සහ බංග්ලාදේශය අතර තරග තුනකින් සමන්විත විස්සයි විස්ස තරගාවලියේ පළමු තරග අද (04) බංග්ලාදේශයේ සිල්හෙට් හිදී පැවැත්වෙනවා.
මෙම තරගය මෙරට වේලාවෙන් අද (04) පස්වරු 5.30ට ආරම්භවීමට නියමිතයි.
අද තරගය වෙනුවෙන් වේග පන්දු යවන්නන්ට හිතකර තණතීරුවක් ලැබෙනු ඇති බවයි සිල්හෙට්වලින් වාර්තා වන්නේ.
ශ්රී ලංකාව සහ බංග්ලාදේශය අතර මේ දක්වා ජාත්යන්තර විස්සයි විස්ස තරග 13ක් පවත්වා ඇති අතර, ඉන් තරග 09ක ජය ශ්රී ලංකාවට හිමිකරගෙන ඇති අතර, බංග්ලාදේශයේ ජයගෙන ඇත්තේ තරග 04ක් පමණයි.
මේ අතර සිල්හෙට් තණතීරුවේ විස්සයි විස්ස තරගයක් වෙනුවෙන් මෙම කණ්ඩායම් දෙක මුණගැසෙන්නේ දෙවන වරටයි.
මෙම තණතීරුවේ දෙරට අතර පැවැත්වුන පළමු විස්සයි විස්ස තරගය ශ්රී ලංකාව ජයගෙන තිබෙනවා.
අද තරගයේ දී ශ්රී ලංකා කණ්ඩායම මෙහෙයවීමේ වගකීම උප නායක චරිත් අසලංකට හිමිවන අතර, නිත්ය නායක වනිඳු හසරංගට විස්සයි විස්ස තරග දෙකක තරග තහනමක් පනවා තිබීම මීට හේතුවෙයි.
මේ අතර අද තරගයේ දී ආරම්භක පිතිකරුවෙක් ලෙස අවිශ්ක ප්රනාන්දු ක්රීඩා කිරීමට නියමිත අතර, වනිඳු වෙනුවට දඟ පන්දු යවන්නෙක් ලෙස අකිල ධනංජයට අද තරගය ක්රීඩා කිරීමට වැඩි අවස්ථාවක් හිමිවනවා.
