ඇෆ්ගනිස්ථානය සමඟ පැවැත්වෙන ටෙස්ට් තරගයේ පළමු ඉනිම ක්රීඩා කළ ශ්රී ලංකාව කඩුලු 09ක් දැවී ලකුණු 439 කට සීමා වුණා.
ඒ, පළමු ඉනිම වෙනුවෙන් ඇෆ්ගනිස්ථානය සියල්ලන් දැවී රැස්කළ ලකුණු 198ට පිළිතුරු වශයෙන්.
කොළඹ SSC ක්රීඩාංගණයේ දී පැවැත්වෙන මෙම තරගයේ ශ්රී ලංකා කණ්ඩායම ඇෆ්ගනිස්ථානය පළමු ඉනිමට වඩා ලකුණු 241ක් ඉදිරියෙන් සිටිනවා.
ශ්රී ලංකා ඉනිම වෙනුවෙන් ඇන්ජලෝ මැතිව්ස් සහ දිනේෂ් චන්දිමාල් ශතක රැස් කිරීමට සමත් වූ අතර, ආරම්භක පිතිකරු දිමුත් කරුණාරත්න ලකුණු 77ක් රැස් කළා.
තරගයේ තුන්වන දිනය වන අද (04) දිනට තරගය ආරම්භ කරන විට ශ්රී ලංකාව කඩුලු 06ක් දැවී ලකුණු 410ක් රැස් කරගෙන සිටියා.
අද දිනයේ දී ශ්රී ලංකා ඉනිමට තවත් ලකුණු 29ක් එකතු වෙද්දී කඩුලු 03ක් බිඳ වැටුණු අතර, පන්දුවට පහර දෙමින් සිටි චාමික ගුණසේකරට හදිසියේම පිටියෙන් ඉවත්වීමට සිදු වුණේ පන්දුවක් ඔහුගේ හිසේ වැදීම හේතුවෙන්.
කෙසේ වෙතත් චාමික යළි පන්දුවට පහරදීමට පිටියට නොපැමිණි අතර, ඒ අනුව ශ්රී ලංකා පළමු ඉනිම කඩුලු 09ක් දැවී ලකුණු 439කට සීමා වුණා.
