ශ්රී ලංකාවේ 09 වන විධායක ජනාධිපතිවරයා ලෙස තේරී පත්වූ අනුර කුමාර දිසානායකට සුබ පැතුම් එක් කරමින් ශ්රී ලංකා නීතිඥ සංගමය ලිපියක් නිකුත් කර තිබෙනවා.
නව ජනාධිපතිවරයාට විධායක ජනාධිපති ධුරයේ කාර්යයන් සහ කර්තව්යයන් නොපිරිහෙළා ඉටු කිරීමට ශක්තිය ධෛර්යය ලැබේවායි එම ලිපියේ සඳහන්.
එමෙන්ම දේශපාලනමය, සමාජයීය සහ ආර්ථිකමය වශයෙන් රට තුළ ඇති දූෂිත සංස්කෘතිය මින් ඉදිරියට තුරන් වනු ඇතැයි ඔවුන් අපේක්ෂා කරන බව ශ්රී ලංකා නීතිඥ සංගමය අදාළ ලිපිය මඟින් දන්වා තිබෙනවා.
ඊට අමතරව නීතියේ ආධිපත්යය හා අධිකරණයේ ස්වාධීනත්වය බාධා රහිතව පවත්වාගෙන යනු ඇතැයි නව ජනාධිපති කෙරෙහි ජනතාව තැබූ විශ්වාසය ඔහු විසින් රැක ගනු ඇතැයි එහි සඳහන්.
එමෙන්ම අකාර්යක්ෂම රාජ්ය පරිපාලනය සහ මෙතෙක් අප මාතෘ භූමිය පුරා පැතිරී තිබූ දේශපාලනමය, සමාජයීය සහ ආර්ථිකමය වශයෙන් සිදුවී ඇති දූෂිත සංස්කෘතිය මින් ඉදිරියට තුරන් වනු ඇතැයි ද නීතිඥ සංගමය එහි සඳහන් කර තිබෙනවා.
නියත වශයෙන්ම වෙනසක් බලාපොරොත්තු විය හැකිය.ජනතාවගේ
ජීවන වියදම් බර අඩු කර, දූෂණය නැතිකර, දූෂිතයන්ට නියම දඬුවම් ලබාදීම, හා පාස්කු ප්රහාරයයේ පසුපස සිටි අය සොයා ඔවුන් නීතිය හමුවට පමුණුවා වින්දිතයින්ට සසාධාරණය. ඉටුකිරීම ප්රථමයෙන්ම කළ යුතු කාර්යයන් විය යුතුයි.