ශ්රී ලංකාව සහ නවසීලන්තය අතර විස්සයි විසස තරගාවලිය අද (28) ආරම්භ වනවා.
මවුන් මවුන්ගනුයි හි බේ ඕවල් ක්රීඩාංගණයේ දී පැවැත්වෙන මෙම තරග මෙරට වේලාවෙන් පෙරවරු 11.45ට ආරම්භ වීමට නියමිතයි.
මේ අතර තරග තුනකින් සමන්විත විස්සයි විස්ස තරගාවලියේ පළමු තරගයේ සහ තුන්වන තරගය සඳහා නිකුත් කර ඇති ප්රවේශ පත්ර සියල්ලම මේ වනවිට අලෙවි වී ඇති බවයි නවසීලන්තයෙන් තොරතුරු වාර්තා වුණේ.
මෙම තත්ත්වය මත අද තරගය සඳහා තවත් අමතර ප්රවේශපත්ර 500ක් ද නිකුත් කිරීමටයි කටයුතු කර ඇත්තේ.
ප්රේක්ෂකයින් 10,000කට අධික සංඛ්යාවකට එකවර නැරඹිය හැකි බේ ඕවල් ක්රීඩාංගණයේ වැඩි පිරිසක් බිම වාඩි වී තරගය නැරඹීම සඳහා ප්රවේශ පත්ර වෙන්කරගෙන ඇති බව සඳහන්.
මේ අතර නවසීලන්ත ක්රිකට් ආයතනය සඳහන් කළේ දෙවන තරගයේ ප්රවේශ පත්ර තවමත් ඉතිරි වී ඇති බවයි.
ශ්රී ලංකාව සහ නවසීලන්තය අතර මේ දක්වා විස්සයි විස්ස තරග 25ක් පවත්වා ඇති අතර, ඉන් තරග 14ක් නවසීලන්තය ද තරග 10ක් ශ්රී ලංකාව ද ජයගෙන තිබෙනවා.
එක තරගයක් අවසන් වී ඇත්තේ ප්රතිඵලයකින් තොරවයි.
