ගුවන් හමුදා ක්රීඩක ක්රිඩිකාවන්ගේ ජයග්රහණ ඇගයීම වෙනුවෙන් ගුවන් හමුදා ක්රීඩා කවුන්සිලය විසින් සංවිධානය කරනු ලැබු ගුවන් හමුදා ක්රීඩා වර්ණ රාත්රිය පසුගියදා (05) අති උත්කර්ෂවත් ව පැවැත්වුණා.
ඒ ආරක්ෂක ලේකමි විශ්රාමික ජෙනරල් කමල් ගුණරත්නගේ ප්රධානත්වයෙන්.
ගුවන් හමුදා රත්මලාන ඊගල් ලේක්සයිඩ් උත්සව ශාලාවේ දීයි මෙම උත්සවය පැවැත්වුණේ.
ගුවන් හමුදා ක්රීඩක ක්රීඩිකාවන්ගේ ජයග්රහණ මෙන් ම ක්රීඩා ක්ෂේත්රයට සම්බන්ධ සියලු ම පාර්ශ්වකරුවන්ගේ කැපවීම අගයන සුවිශේෂී අවස්ථාවක් වන මෙම ගුවන් හමුදා ක්රීඩා වර්ණ රාත්රියේ ප්රථම ක්රීඩා වර්ණ රාත්රිය 1964 වර්ෂයේ දී පැවැත්වුණා.
ඒ රාජකීය ලංකා ගුවන් හමුදාව විසින්.
එහිදී වසරේ දක්ෂතම ක්රීඩකයා සඳහා සම්මානයක් හඳුන්වා දී ඇති අතර එය ‘වර්ථරාසා අනුස්මරණ කුසලානය’ ලෙස හඳුන්වා දී ඇත්තේ චීන වරාය ගුවන් හමුදා වීද්යාපීඨයේ සිදු වූ ගුවන් අනතුරකින් මියගිය ෆ්ලයිට් ලෙෆ්ටිනන් අප්පාපිල්ලයි වර්ථරාසා නිලධාරිවරයා අනුස්මරණය කිරීමටයි.
ඒ අනුව වර්ථරාසා අනුස්මරණ කුසලානය දිනාගත් පළමු දක්ෂතම ගුවන් හමුදා ක්රීඩකයා ලෙස බලපන්ති සැරයන් බර්ටි ඒකනායක සහ ගුවන් හමුදා වර්ණ ලබාගත් ප්රථම ගුවන් කාන්තාව ලෙස වෙඩිතැබීමේ ක්රීඩාව නියෝජනය කළ නායක ගුවන් කාන්තා හඳුන්සූරිය කේ.එම්.පී.කේ. ගුවන් හමුදා ක්රීඩා දිනපොතේ ඉතිහාසයට එක්වනු ඇති.
ශ්රී ලංකා ගුවන් හමුදා ක්රීඩා වර්ණ ප්රධාන ඉතිහාසයේ පළමු වරට ක්රීඩක ක්රිඩිකාවන් දිරි ගැන්වීමේ අරමුණින් ගුවන් හමුදාපති එයාර් මාෂල් උදේනි රාඡපක්ෂගේ සංකල්පයකට අනුව 2022 සහ 2023 වර්ෂයන්හි දක්ෂතාවයන් දැක්වූ ක්රීඩක ක්රිඩිකාවන් හට මුල්යමය ත්යාග පිරිනැමීම ද මෙහිදී සිදු කෙරුණා.
වසර දෙකකට වරක් සංවිධානය කරනු ලබන ගුවන් හමුදා ක්රීඩා වර්ණ රාත්රියේ දී ක්රීඩාවන් 37 ක් ඇගයීමට ලක් කරන අතර මෙවර 2022 හා 2023 වර්ෂයන්හි දී දේශීය ක්රීඩා තරගවල දී දක්ෂතා දැක්වු ක්රීඩක ක්රීඩිකාවන් මෙන් ම ශ්රී ලංකාව නියෝජනය කරමින් විදේශීය ක්රීඩාවලට එක් වෙමින් දක්ෂතා දැක්වු ගුවන් හමුදා ක්රීඩක ක්රීඩිකාවන් 355 දෙනෙකු හට වර්ණ 555 ක් ද මෙහිදී ප්රදානය කෙරුණු බවයි ශ්රී ලංකා ගුවන් හමුදා මාධ්ය අංශය පැවසුවේ.
මෙම වර්ණ රාත්රියේ දී 2022 වසර වෙනුවෙන් දක්ෂතම ක්රීඩකයා ලෙස ජූඩෝ ක්රීඩාව නියෝජනය කළ සැරයන් චාමර ධර්මවර්ධන ෆ්ලයිට් ලෙෆ්ටිනන් ඒ වර්ථාරාසා අනුස්මරණ කුසලානය දිනාගත් අතර 2022 වර්ෂයේ දක්ෂතම ක්රීඩිකාව ලෙස බොක්සිං ක්රීඩාව නියෝජනය කළ නායක ගුවන් කාන්තා සජීවනී කුරේ විසින් ෆ්ලයිටි ලෙෆ්ටිනන් ප්රීයා අබේවීර ගුණවර්ධන අනුස්මරණ කුසලානය දිනා ගැනුණා.
2023 වසරේ දක්ෂතම ක්රීඩකයා වූයේ බර ඉසිලීමේ ක්රීඩාව නියෝජනය කළ නායක ගුවන් භට මධුෂාන්ත ජයතිලක යි.
2023 වසරේ දක්ෂතම ක්රීඩිකාව බවට ක්රිකට් ක්රීඩාව නියෝජනය කළ සැරයන් ඕෂධී රණසිංහ මෙම කුසලාන දිනා ගත්තා.
මෙම අවස්ථාව සඳහා ගුවන් හමුදා ක්රීඩා කවුන්සිලයේ වත්මන් සභාපති ගුවන් හමුදාධිපති එයාර් මාර්ෂල් උදේනි රාජපක්ෂ, ගුවන් හමුදා මාණ්ඩලික ප්රධානී ඇතුළු ගුවන් හමුදා අධ්යක්ෂක මණ්ඩලය, ජ්යේෂ්ඨ නිලධාරීන් සහ ක්රීඩක ක්රීඩිකාවන් පිරිසක් එක් වුණා.
