ආසියානු කුසලාන කාන්තා 20-20 තරගාවලියේ අවසන් මහා තරගය අද (28) පෙරවරු 3.00ට රංගිරි දඹුලු ජාත්යන්තර ක්රිකට් ක්රීඩාංගණයේ දී ශ්රී ලංකාව සහ ඉන්දියාව අතර ආරම්භ වුණා.
මෙම තරගයේ කාසිය වාසිය දිනූ ඉන්දීය නායිකාව පළමුව පන්දුවට පහරදීමට තීරණය කළා.
ඒ, අනුව ඉන්දීය ක්රීඩිකාවන් නියමිත පන්දුවාර 20 තුළ කඩුලු 06ක් දැවී ලකුණු 165ක් රැස් කිරීමට සමත් වුණා.
එහිදී ඉන්දීය ඉනිම වෙනුවෙන් ආරම්භක පිතිකාරිණී ස්මෘති මන්දනා පන්දු 47ක් තුළ ලකුණු 60ක් රැස්කරමින් වැඩිම ලකුණු ලාභිණිය බවට පත් වූ අතර, ජෙමිමා රොඩ්රිගස් ලකුණු 29ක් රැස් කළා.
ඊට අමතරව රිචා ගෝෂ් වේගවත් ලකුණු 30ක් ඉන්දීය ඉනිමට එක් කිරීමට සමත් වුණා.
පන්දු යැවීමේ දී කවිෂා දිල්හාරි ඉන්දීය ඉනිමේ කඩුලු 02ක් බිඳ දැමුවා.
ඒ, අනුව 2024 ආසියානු කුසලාන කාන්තා 20-20 තරගාවලියේ අවසන් මහා තරගය ජයග්රහණය කිරීමට ශ්රී ලංකා කාන්තා කණ්ඩායමට පන්දු 120ක් තුළ ලකුණු 166ක ඉලක්කයක් හිමිව තිබෙනවා.
