කරාටේ දෝ ක්රීඩාවේ ජාතික සංගමය වන ශ්රී ලංකා කරාතේ දෝ සම්මේලනයේ ලියාපදිංචිය අත්හිටුවමින් නව ගැසට් නිවේදනයක් නිකුත් කර තිබෙනවා.
ක්රීඩා අමාත්ය රොෂාන් රණසිංහ විසින් ඊයේ (2023 ජූලි 28) දිනයි එම ගැසට් නිවේදනය නිකුත් කර ඇත්තේ.
එම ගැසට් පත්රයට අනුව ශ්රී ලංකා කරාතේ දෝ සම්මේලනයේ කටයුතු තවදුරටත් පවත්වාගෙන යාම සඳහා තාවකාලික මෙහෙයුම් පටිපාටියක් සඳහා ක්රීඩා අමාත්යවරයා විසින් 09 දෙනෙකුගෙන් යුත් කමිටුවක් පත් කර තිබෙනවා.
එම කමිටුවේ ප්රධානියා සී. ඒ. ජී. ද සොයිසා වන අතර ලේකම්වරයා ලෙසට පත් කර ඇත්තේ ආචාර්ය ජයලත් ඉලංගකෝන් මහතායි.
එස්.සී.මැදවත්ත, වෛද්ය ජයන්ති ඒ.නානායක්කාර, මහිලිනී මයියුරන්, කේ.එම්.සී.කුමාර, ආර්.දේව කුමාර, ඒ.කේ.ශිරෝමි ෆොන්සේකා, ඒ.ආර්.එම්.ඉක්බාල් යන මහත්ම මහත්මීන් එම කමිටුවේ සෙසු සාමාජිකයින් වනවා.
ක්රීඩා සංවර්ධන දෙපාර්තමේන්තුවේ අධ්යක්ෂ ජනරාල්වරයාගේ අධීක්ෂණය යටතේ නිලවරණය කැඳවා නිලවරණය පැවැත්වීම සඳහා නිලවරණ කමිටුවක් පත්කිරීමේ බලතල ද එම කමිටුවට පවරා තිබෙනවා.
