වයස අවුරුදු 19න් පහළ එංගලන්ත ක්‍රිකට් කණ්ඩායම සහ ශ්‍රී ලංකා යොවුන් ක්‍රිකට් කණ්ඩායම අතර පැවැත්වෙන තරග 03කින් සමන්විත තරගාවලියේ අවසන් මෙන් ම තීරණාත්මක තරගය අද (03) පැවැත්වීමට නියමිත ව තිබෙනවා.
ඒ එංගලන්තයේ Hove ක්‍රීඩාංගණයේ දී යි.
මෙම තරගය අද පස්වරු 03ට ආරම්භ කිරීමට නියමිත ව තිබෙනවා.
දෙරට අතර පැවති පළමු තරගයේ ජය ශ්‍රී ලංකා යොවුන් කණ්ඩායමට හිමි වුණා.
ඩක්වත් ලුවිස් න්‍යායය යටතේ ලකුණු 65ක ජයක් ශ්‍රී ලංකාවට හිමි වූ අතර; දෙවැනි තරගයේ ජය එංගලන්ත යොවුන් ක්‍රීඩකයින්ට හිමි වුණ.
ඔවුන් එම තරගය ශ්‍රී ලංකා කණ්ඩායම පරාජයට පත් කළේ ලකුණු 30කින්.
ඒ අනුව මෙම තරගාවලියේ මේ වන විට කණ්ඩායම් දෙකම එක් තරගය බැගින් ජයගෙන තරගාවලියේ තරග 1-1ක් ලෙස ජයගනිමින් සම තත්තවයේ සිටිනවා.
එබැවින් අද තරගය ජය ගැනීම එක්දින තරගාවලි ශූරයින් කවුරුන් දැයි තීරණය කිරීමට වැදගත් වනු ඇති.
