ඉන්දීය කණ්ඩායමේ ශ්රී ලංකා තරග සංචාරයේ කාලසටහන වෙනස් කිරීමට කටයුතු කර තිබෙනවා.
එක්දින තරග තුනක් සහ විස්සයි විස්ස තරග තුනක තරගාවලි සංචාරයක් සඳහා ඉන්දීය කණ්ඩායම මේ මස අග දී ශ්රී ලංකාවට පැමිණීමට නියමිතව තිබෙනවා.
ඒ, අනුව ලබන 26 වනදා පළමු 20-20 තරගයෙන් තරගාවලිය ආරම්භ කිරීමට මීට පෙර සැලසුම්කර තිබුණ ද, තරගාවලිය ආරම්භ කරන දිනය තවත් එක් දිනකින් පමා කිරීමටයි ඊයේ දිනයේ තීරණය කර ඇත්තේ.
මෙම තීරණයත් සමඟ පළමු 20-20 තරග එළඹෙන 27 වනදා පැවැත්වීමට නියමිතයි.
එමෙන්ම දෙවන 20-20 තරගය එළඹෙන 28 වනදා සහ තුන්වන 20-20 තරගය ලබන 30 වනදා පැවැත්වීමයි මේ වනවිට තීරණය කර ඇත්තේ.
එමෙන්ම ලබන අගෝස්තු පළමු වනදා ආරම්භ වීමට නියමිතව තිබූ දෙරට අතර තරග තුනකින් සමන්විත එක්දින තරගාවලියේ පළමු තරගය අගෝස්තු 02 වනදා පැවැත්වීමටයි තීරණය කර ඇත්තේ.
දෙරට අතර තුන්වන සහ අවසන් එක්දින තරග දෙක මීට පෙර සැලසුම්කර තිබූ පරිදි අගෝස්තු 04 සහ 07 යන දෙදින තුළ පැවැත් වෙනවා.
කෙසේ වෙතත් මෙලෙස තරගාවලිය පැවැත්වෙන් දිනයන් වෙනස් කිරීම සම්බන්ධයෙන් හේතුවක් දක්වා නොමැති අතර, ඉන්දීය කණ්ඩායම එළඹෙන 22 වනදා ශ්රී ලංකාවට පැමිණීමට නියමිතයි.
