ශ්‍රී ලංකාව සමඟ තරග දෙකකින් සමන්විත ටෙස්ට් තරගාවලියට සත්කාරක දකුණු අප්‍රිකානු සංචිතය නම්කර තිබෙනවා.
වැලමිටේ ඇතිව තිබූ ආබාධයෙන් සුවවීමත් සමඟ දකුණු අප්‍රිකානු නිත්‍ය ටෙස්ට් නායක ටෙම්බා බවුමා ද මෙම සංචිතයට ඇතුළත් කර ඇති බවයි වාර්තා වුණේ.
බවුමාගේ නායකත්වයෙන් යුක්තව නම් කළ දකුණු අප්‍රිකානු සංචිතයට ක්‍රීඩකයින් 14 දෙනෙකු ඇතුළත්.
මාර්කෝ ජැන්සන් සහ ජෙරල්ඩ් කෝට්සි ද මෙම සංචිතය ඇතුළත් කර ඇති අතර, ඔවුන් දෙදෙනා ටෙස්ට් තරගවලිය සඳහා නම්කර ඇත්තේ මාස 11 කට පසුවයි.
දකුණු අප්‍රිකා සංචිතය,
ටෙම්බා බවුමා (නායක), ඩේවිඩ් බෙඩිංහැම්, ජෙරල්ඩ් කෝට්සි, ටෝනි ද සෝර්සි, මාර්කෝ ජැන්සන්, කේෂව් මහරාජ්, ඒඩන් මාක්‍රම්, වියාන් මෝල්ඩර්, සෙනුරන් මුත්තුසාමි, ඩේන් පැටර්සන්, කගිසෝ රබාඩා, ට්‍රිස්ටන් ස්ටබ්ස්, රයන් රිකල්ටන්, කයිල් වෙරයින්
මේ අතර මෙම තරගාවලිය එක්වන ශ්‍රී ලංකා සංචිතය ද අද (19) ප්‍රකාශයට පත් කරනු ලැබුවා.
දෙරට අතර තරග දෙකකින් සමන්විත ටෙස්ට් තරගාවලිය එළඹන 27 වනදා ආරම්භ වනවා.
