ශ්රී ලංකා මුහුදු සීමාවේ දී අත්අඩංගුවට ගෙන පසුව අධිකරණය මගින් නිදහස් කරන ලද තමිල්නාඩු ධීවරයින් වහාම යළි ඉන්දියාවට ගෙන්වා ගැනීමට මැදිහත් වන ලෙස තමිල්නාඩු ප්රධාන අමාත්ය එම්.කේ. ස්ටාලින් ඉන්දීය විදේශ කටයුතු අමාත්ය එස්. ජයශංකර්ගෙන් ඉල්ලා සිටිනවා.
ඉන්දීය විදේශ කටයුතු අමාත්යවරයා වෙත ලිපියක් යොමුකරමින් මෙම ඉල්ලීම සිදුකර තිබෙනවා.
පසුගිය පෙබරවාරි 03 වනදා ධීවරයින් 12 දෙනෙකු සම්බන්ධයෙන් යාපනය අධිකරණයේ පැවැති නඩු විභාගයක දී බෝට්ටු පදවන්නන් තිදෙනෙකුට මාස 06ක බරපතල වැඩ සහිත සිරදඬුවම් සහ එක් අයෙකුට රුපියල් ලක්ෂ 11.60 ක දඩයක් නියම කර ඇති බවත්, දඩය නොගෙවන්නේ නම් අතිරේක මාස තුනක සිරදඬුවමක් ද නියම වී ඇති බවඅදාළ ලිපිය මඟින් පෙන්වා දී තිබෙනවා.
අනෙක් ධීවරයින් 09 දෙනා නිදහස් කිරීමට නියෝග කර ඇති අතර, ඔවුන් මේ වන විට මිරිහාන රැඳවුම් මධ්යස්ථානයේ රඳවා සිටින බවයි එම්.කේ. ස්ටාලින් විසින් සිය ලිපියෙන් පෙන්වා දී ඇත්තේ.
මෙරට නාවික හමුදාව විසින් දිගින් දිගටම තමිල්නාඩු ධීවරයින් අත්අඩංගුවට ගැනීම හේතුවෙන් වෙරළබඩ ධීවර ජනතාව දැඩි ආර්ථික සහ මානසික පීඩනයකට ලක්ව ඇති බවයි තමිල්නාඩු ප්රධාන අමාත්යවරයා වැඩිදුරටත් පවසන්නේ.
ඔයිටවඩා හොඳ නැද්ද ඉන්දීය ධීවරයින්ට ලංකාවේ ලියාපදිංචිකිරීම .ඉන්පසු අල්ලන මාළු ලංකාවේ maket ekata danna කිව්වානම්