අද දිනයේදී ජනාධිපති ගෝඨාභය රාජපක්ෂ මහතා කැබිනට් සංශෝධනයක් සිදුකරනු ලැබුවා. එම අමාත්‍ය මණ්ඩල සංශෝධනයේ දී සිදුවූ වෙනස්කම් මොනවාද ? මිට පෙර එම ඇමතිවරුන් දරූ අමාත්‍ය ධුරයන් ගැන පහතින් දක්වා ඇත.
දිනේෂ් ගුණවර්ධන – මිට පෙර ඔහු අධ්‍යාපන අමාත්‍ය ධුරය දැරූ අතර නව කැබිනට් සංශෝධනයේ දී රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යවරයා ලෙස පත්කර ඇත.
ඩග්ලස් දේවානන්ද – ධිවර අමාත්‍ය ධුරය (වෙනසක් වී නොමැත)
රමේෂ් පතිරණ – වැවිලි කර්මාන්ත අමාත්‍යවරයා ලෙස කටයුතු කළා. නව කැබිනට් සංශෝධනයේදී ඔහුට එම අමාත්‍යාංශයට අමතරව අධ්‍යාපන අමාත්‍යාංශය ද පවරා තිබෙනවා.
ප්‍රසන්න රණතුංග – සංචාරක අමාත්‍යවරයා ලෙස කටයුතු කරනු ලැබූ අතර ඔහුට නව කැබිනට් සංශෝධනය යටතේ මහජන ආරක්ෂක අමාත්‍යාංශය ද පවරා තිබෙනවා.
දිලුම් අමුණුගම – ප්‍රවාහන අමාත්‍යවරයා ලෙස කටයුතු කරනු ලැබූ අතර නව කැබිනට් සංශෝධනයේ දී ඔහුට වැවිලි කර්මාන්ත අමාත්‍යාංශය පවරා ඇත.
කනක හේරත් – සමාගම් වතු ප්‍රතිසංස්කරණ, තේ වතු ආශ්‍රිත බෝග, තේ කම්හල් නවීකරණය සහ තේ අපනයන ප්‍රවර්ධනය රාජ්‍ය අමාත්‍ය ධුරය දරනු ලැබූ අතර නව කැබිනට් සංශෝධනයේ දී ඔහුට මහාමාර්ග අමාත්‍ය ධුරය පවරා ඇත.
විදුර වික්‍රමනායක – ජාතික උරුම, ප්‍රාසාංග කලා හා ග්‍රාමීය කලා ශිල්පී ප්‍රවර්ධන කටයුතු රාජ්‍ය අමාත්‍යවරයා ලෙස කටයුතු කරනු ලැබූ අතර නව කැබිනට් සංශෝධනයේදී ඔහුට කම්කරු අමාත්‍යාංශය පවරා ඇත.
ජානක වක්කුඹුර – උක්, බඩඉරිඟු, කජු, ගම්මිරිස්, කුරුඳු, කරාබුනැටි, බුලත් ආශ්‍රිත කර්මාන්ත ඇතුළු සුළු බෝග වැවිලි සංවර්ධනය සහ අපනයන ප්‍රවර්ධන රාජ්‍ය අමාත්‍යවරයා ලෙස කටයුතු කරනු ලැබූ අතර නව කැබිනට් සංශෝධනයේදී ඔහුට කෘෂිකර්ම සහ වාරිමාර්ග අමාත්‍ය ධුරය පවරා ඇත.
ෂෙහාන් සේමසිංහ – සමෘද්ධි, ගෘහ ආර්ථිකය, ක්ෂුද්‍ර මූල්‍ය, ස්වයං රැකියා, ව්‍යාපාර සංවර්ධන සහ ඌන උපයෝගි කරගත් රාජ්‍ය සම්පත් සංවර්ධන රාජ්‍ය අමාත්‍යවරයා ලෙස කටයුතු කරනු ලැබූ අතර නව කැබිනට් සංශෝධනයේ දී ඔහුට වෙළෙද අමාත්‍යාංශය සහ සමෘද්ධි සංවර්ධන අමාත්‍යාංශය පවරා ඇත.
මොහාන් ප්‍රියදර්ශන ද සිල්වා – පොහොර නිෂ්පාදන හා සැපයුම්, රසායනික පොහොර හා කෘමිනාශක භාවිත නියාමන රාජ්‍ය අමාත්‍යවරයා ලෙස කටයුතු කරනු ලැබූ අතර ඔහුට නව කැබිනට් සංශෝධනයේ දී ජල සම්පාදන අමාත්‍යධුරය ලබාදී ඇත.
විමලවීර දිසානායක – වනජීවී රැකවරණය, අලිවැට හා අගල් ඉදිකිරීම ඇතුළු ආරක්ෂිත වැඩපිළිවෙලවල් හා කැලෑ නැවත වගා කිරීම හා වන සම්පත් සංවර්ධන රාජ්‍ය අමාත්‍යවරයා ලෙස කටයුතු කරනු ලැබූ අතර නව කැබිනට් සංශෝධනයේ දී ඔහුට වනජීවී සහ වන සම්පත් සංරක්ෂණ අමාත්‍යාංශය පවරා ඇත.
කාංචන විජේසේකර – විසිතුරු මසුන්, මිරිදිය මත්ස්‍ය හා ඉස්සන් ඇති කිරීම, ධීවර වරාය සංවර්ධන, බහුදින ධීවර කටයුතු හා මත්ස්‍ය අපනයන රාජ්‍ය අමාත්‍යවරයා ලෙස කටයුතු කරනු ලැබූ අතර නව කැබිනට් සංශෝධනය යටතේ ඔහුට බලශක්ති අමාත්‍යාංශය සහ විදුලිබල අමාත්‍යාංශය පවරා ඇත.
