ශ්රී ලංකාව සහ වියට්නාමය අතර ඍජු ගුවන් ගමන් ආරම්භ කරමින් වියට්නාම ජාතික ගුවන් සේවයවන ” වියට්නාම් එයාර් ලයින්ස් ” විසින් මංගල ගුවන් යානය ඊයේ (16) රාත්රියේ කටුනායක ගුවන් තොටුපොළ වෙත පැමිණියා.
මෙම ගුවන් ගමන සදහා එයාර් බස් ඒ.- 320 වර්ගයේ ගුවන් යානයක් යොදවා තිබූ අතර , එම ගුවන් යානය සාම්ප්රදායිකව සිදුකරන ජල ආචාර පවත්වා කටුනායක ගුවන් තොටුපොළ වෙත පිළිගනු ලැබුවා.
වියට්නාමයේ හෝ චි මින් නුවර සිට වී.එන්.- 671 දරණ මෙම ගුවන් යානය ඊයේ (16) රාත්රී 11.02ට කටුනායක ගුවන් තොටුපොළ වෙත පැමිණ තිබුණා.
එම ගුවන් යානයෙන් ගුවන් මගීන් 164 දෙනෙක් පැමිණ සිටි අතර, යළිත් එම ගුවන් යානයෙන් ගුවන් මගීන් 172 දෙනෙකු සමඟ කටුනායක ගුවන් තොටුපොළෙන් වියට්නාමය බලා පිටත්ව ගියා.
ඒ, අනුව වියට්නාමය සහ ශ්රී ලංකාව අතර සතියකට දින 03ක් එනම් ඉරිදා, බදාදා සහ සිකුරාදා යන දිනවල ගුවන් ගමන් සිදු කෙරෙනු ඇති.
