දකුණු අප්‍රිකාව සමඟ පැවැත්වෙන දෙවන ටෙස්ට් තරගයේ දෙවන දිනය නිමාවන විට පළමු ඉනිම ක්‍රීඩා කරමින් සිටි ශ්‍රී ලංකාව කඩුලු 03ක් දැවී ලකුණු 242ක් ලබාගෙන ප්‍රබල තැනක පසු වුණා.
දෙවන දිනට තරගය අවසන් කරන විට නොදැවී කඩුල්ලේ රැඳී සිටි ඇන්ජලෝ මැතිව්ස් ලකුණු 40ක් සහ කමිඳු මෙන්ඩිස් ලකුණු 30ක් රැස්කරගෙන සිටියා.
ශ්‍රී ලංකා පළමු ඉනිම වෙනුවෙන් ආරම්භක පිතිකරු පැතුම් නිස්සංක ලකුණු 89ක් සහ දිනේෂ් චන්දිමාල් සිය 31 වන ටෙස්ට් අර්ධ ශතකය පෙනෙන මානයේ සිටිය දී ලකුණු 44කට අවාසනාවන්ත ලෙස දැවී ගියා.
ආරම්භක පිතිකරු දිමුත් කරුණාරත්නට රැස්කරගත හැකි වුයේ ලකුණු 20ක් පමණයි.
ගැබා හිදී පැවැත්වෙන මෙම ටෙස්ට් තරගයේ පලමි ඉනිම ක්‍රීඩා කළ දකුණු අප්‍රිකානුවන් සියල්ලන් දැවී ලකුණු 358ක් රැස් කළා.
ඒ, අනුව ශ්‍රී ලංකාව තවත් කඩුලු 07ක් අතැතිව දකුණු අප්‍රිකා පළමු ඉනිමට වඩා තවත් ලකුණු 116ක් පසුපසින් සිටිනවා.
