සංචාරක සිම්බාබ්වේ කණ්ඩායමට එරෙහි අවසන් එක්දින තරගය ජය ගැනීමට ශ්රී ලංකාවට ලකුණු 97ක ඉලක්කයක් හිමිවී තිබෙනවා.
තරගයේ කාසියේ වාසිය හිමිවූ සිම්බාබ්වේ කණ්ඩායම තීරණය කළේ පළමුවෙන් පන්දුවට පහරදීමටයි.
ඔවුන්ගේ ඉනිමට අවස්ථා දෙකකදී වර්ෂාවෙන් දැඩි බාධා එල්ලවුණා.
පළමු අවස්ථාවේ වර්ෂාවෙන් බාධා එල්ලවීම හේතුවෙන් තරගය යළි ආරම්භ කෙරුණේ එක් කණ්ඩායමකට පන්දුවාර 43 බැගින් ලබාදී තීරණය කිරීමෙන් අනතුරුවයි.
එහෙත් සුලු වේලාවකින් යළිත් වැසි පතිත වීම හමුවේ තරගය තාවකාලිකව නතර කරනු ලැබුවා. පසුව රාත්රී 8ට යළි තරගය ආරම්භ කළේ එක් කණ්ඩායමකට පන්දුවාර 27 බැගින් ලබාදීමට ගත් තීරණයත් සමගයි.
සිම්බාබ්වේ කණ්ඩායමට පන්දුවාර 22යි පන්දු 5ක් අවසානයේ සියලු දෙනා දැවී ලබා ගැනීමට හැකිවුයේ ලකුණු 96ක් පමණයි.
Joylord Gumbie ලකුණු 41ක් රැස් කළා. සිම්බාබ්වේ කණ්ඩායමේ ක්රීඩකයන් 6 දෙනෙකුම දැවී ගියේ ලකුණු 10ට අඩුවෙන් ලබා සිටියදීයි. ක්රීඩකයන් දෙදෙනෙක් කිසිදු ලකුණක් නොලබාම පිටියෙන් ඉවත්වුණා.
වනිඳු හසරංග ලකුණු 19කට කඩුලු 7ක් බිඳහෙලුවා. වනිඳු හසරංගගේ එක්දින ක්රිකට් දිවියේ හොඳම කඩුලු දවා ගැනීම ලෙසට සැලකෙන්නේ ද මෙයයි.
ජනිත් ලියනගේ මහීෂ් තීක්ෂණ සහ දිල්ෂාන් මදුෂංක එක් කඩුල්ල බැගින් දවාගත්තා. ආර් ප්රේමදාස ක්රීඩාංගණයේ පැවැත්වෙන මෙම තරගයේ ශ්රී ලංකා පිළිතුරු ඉනිම ආරම්භ වීමට නියමිතයි.
