නවසීලන්තයට එරෙහිව පැවැත්වෙන තරග 03කින් සමන්විත එක්දින තරගාවලියේ පළමු තරගයේ කාසියේ වාසිය සත්කාරක ශ්‍රී ලංකා කණ්ඩායම මීට ටික වේලාවකට (13) පෙර දිනාගත්තා.
තරගය අද පස්වරු 2.30ට දිවා – රාත්‍රී තරගයක් ලෙස රන්ගිරි දඹුල්ලේ දී ආරම්භ වනු ඇති.
කාසියේ වාසිය දිනූ ශ්‍රී ලංකා කණ්ඩායමේ නායක චරිත් අසලංක තීරණය කළේ පළමු ව පන්දුවට පහරදීමටයි.
අද තරගයට වනිඳු හසරංගගේ ආබාධ තත්ත්වය හේතුවෙන් ජෙෆ්‍රි වැන්ඩර්සේ කැඳවා තිබෙනවා.
මේ වන තෙක් එක්දින තරග 102ක් දෙපිළ අතරම පවත්වා ඇති අතර එහි වැඩිම ජයග්‍රහණ සංඛ්‍යාවක් හිමිකරගෙන සිටින්නේ නවසීලන්තයයි.
ඔවුන් එක්දින තරග 52ක් දිනා ඇති අතර ශ්‍රී ලංකාව දිනා ඇත්තේ තරග 41ක් පමණයි.
ශ්‍රී ලංකාව නවසීලන්තයට එරෙහිව සිය මව්බිමේ දී එක්දින තරගාවලි ජයක් 17 වරක් හිමිකරගෙන තිබෙනවා.
නවසීලන්තය සිය මව්බිමේ දී එක්දින තරග ශ්‍රී ලංකාවට එරෙහිව 30ක් ජයගෙන තිබෙනවා.
