ශ්‍රී ලංකාවට එරෙහි තරගයට හෝරා කිහිපයක් තිබිය දී ඕස්ට්‍රේලියා සංචිතයට ස්මිත් කැඳවයි

20-20 ලෝක කුසලාන තරගාවලියේ අද ශ්‍රී ලංකාවට එරෙහිව පැවැත්වෙන තරගයට පෙර ස්ටීව් ස්මිත් ඕස්ට්‍රේලියානු සංචිතයට ඇතුළත් කර ඇති බව වාර්තා වනවා.

වේග පන්දු යවන ක්‍රීඩක ජෝෂ් හේසල්වුඩ් වෙනුවට ස්ටීව් ස්මිත් ඕස්ට්‍රේලියානු සංචිතයට මෙලෙස කැඳවා ඇති බවයි තොරතුරු වාර්තා වන්නේ.

ස්ටීව් ස්මිත් සංචිතයට ඇතුළත් කර ගැනීම සඳහා අයි.සී.සී තාක්ෂණික කමිටුවේ අනුමැතිය හිමිව තිබෙනවා.

ශ්‍රී ලංකාව සහ ඕස්ට්‍රේලියාව අතර තරගය අද (16) පල්ලෙකැලේ ජාත්‍යන්තර ක්‍රිකට් ක්‍රීඩාංගනයේ දී පස්වරු 7.00ට ආරම්භවීමට නියමිතයි.

මේ අතර අද තරගයේ දී ශ්‍රී ලංකා කණ්ඩායමට ආරම්භක පිතිකරු කමිල් මිෂාර වෙනුවට කුසල් ජනිත් පෙරේරා කැඳවා ඇති බවයි වාර්තා වන්නේ.