ශ්රී ලංකාවට එරෙහිව පැවැත්වීමට නියමිත තරග දෙකකින් සමන්විත ටෙස්ට් ක්රිකට් තරගාවලියට පෙර ඉන්දීය කණ්ඩායම මුලින් සැලසුම් කර තිබූ සිව්දින පුහුණු තරගය දින තුනක් දක්වා අඩුකර තිබෙනවා.
මුලින් දින හතරක තරඟයක් ලෙස සැලසුම් කර තිබූ පුහුණු තරගය මේ වනවිට අගෝස්තු 07 සිට අගෝස්තු 09 දක්වා දින තුනක් පැවැත්වීමටයි මේ වනවිට තීරණය කර ඇත්තේ.
සංචාරය සඳහා ඉන්දීය සංචිතය ප්රකාශයට පත් කරන විට, ඉන්දීය ක්රිකට් පාලක මණ්ඩලය (BCCI) ප්රකාශ කර තිබුණේ කණ්ඩායම ටෙස්ට් තරගාවලියට පෙර කොළඹදී දින හතරක පුහුණු තරගයක් ක්රීඩා කරන බවයි.
ඒ අනුව කාලසටහන මේ වනවිට සංශෝධනය කර ඇති අතර, BCCI සහ ඉන්දීය කණ්ඩායම් කළමනාකරණය ඇතුළු සියලුම පාර්ශවකරුවන්ට මෙම වෙනස පිළිබඳව දැනුම් දී තිබෙනවා.
කෙසේ වෙතත් සංශෝධිත කාලසටහන පිටුපස ඇති නිශ්චිත හේතුව නිල වශයෙන් අනාවරණය කර නැහැ.
ඒ, අනුව මෙම පුහුණු තරගය කොළඹ NCC ක්රීඩාංගනයේ දී පැවැත්වෙන අතර, අනතුරුව දෙරට අතර පළමු ටෙස්ට් තරගය අගෝස්තු 15 සිට 19 දක්වා ගාල්ල අන්තර්ජාතික ක්රිකට් ක්රීඩාංගණයේදී පැවැත් වෙනවා.
දෙවැනි ටෙස්ට් තරගය අගෝස්තු 23 සිට 27 දක්වා කොළඹ SSC ක්රීඩාංගණයේදී පැවැත්වීමට කටයුතු යොදා ඇත්තේ.
